Վրաստանի կառավարությունն այսօր խորհրդարանին կներկայացնի 2022 թվականի պետական ​​բյուջեի վերամշակված տարբերակը։

Ֆինանսաբյուջետային կոմիտեի նախագահի խոսքերով, ի տարբերություն օրինագծի նախնական տարբերակի, կան մի շարք փոփոխություններ, այդ թվում, Իրակլի Կովզանաձեի խոսքով, այս տարի տնտեսական աճի կանխատեսումը 9,5%-ից հասել է 10%-ի և ՀՆԱ-ի անվանական արտահայտությամբ հասնում է 65 մլրդ լարիի։

«Մինչև 2022 թվականը տնտեսական աճը պահպանվում է 6 տոկոսի մակարդակում։ Պակասուրդը նույնպես պահպանվում է 4,4% մակարդակում։ Պետական ​​պարտքը կազմում է 52,2%։ Հետաքրքիր փոփոխություններ կան հատկացումների մասում, և մի շարք ծախսող սուբյեկտների ֆինանսավորման աճ ունենք։ Վերամշակված տարբերակը ներառում է այն դիտողությունների և առաջարկությունների մի մասը, որոնք արտահայտվել են խորհրդարանում նախնական տարբերակի քննարկման ժամանակ»,- ասել է Կովզանաձեն։

Նրա խոսքով, պետբյուջեի օրինագծի վերամշակված տարբերակը մանրամասն կքննարկվի հաջորդ շաբաթ կայանալիք կոմիտեի նիստին։

Վրաստանի խորհրդարանի ֆինանսաբյուջետային կոմիտեի հաշվետվությունը Վրաստանի կառավարություն կուղարկվի նոյեմբերի 20-ից ոչ ուշ՝ Վրաստանի խորհրդարանի լիագումար նիստի ընթացքում արված դիտողությունների սղագրության հետ միասին։

Վրաստանի կառավարությունը պետական ​​բյուջեի նախագծի վերջնական տարբերակը և համապատասխան երկրի հիմնական տվյալների ու ուղղությունների փաստաթղթի լրամշակված տարբերակը Վրաստանի խորհրդարան է ներկայացնելու ոչ ուշ, քան նոյեմբերի 30-ը:

Պետբյուջեի մասին օրինագծի համար Վրաստանի խորհրդարանը կքվեարկի ոչ ուշ, քան դեկտեմբերի երրորդ ուրբաթ օրը։ Պետական ​​բյուջեի մասին օրենքն ընդունվում է Վրաստանի խորհրդարանի լիարժեք կազմի մեծամասնությամբ՝ մեկ ընթերցմամբ։