Վրաստանի կառավարությունը դիմում է խորհրդարանին՝ միկրովարկերի ընդհանուր սահմանաչափը 100 000 լարիից 200 000 լարիի հասցնելու օրենսդրական նախաձեռնությամբ։

«Միկրոֆինանսավորող կազմակերպությունների մասին» օրենքում պատրաստված փոփոխությունները կնախաձեռնվեն հաջորդ շաբաթ։

Օրենքի նախագծով միկրոֆինանսական կազմակերպությունների կողմից մեկ վարկառուին կամ փոխկապակցված փոխառուների խմբին տրվելիք միկրովարկերի առավելագույն ընդհանուր գումարը սահմանվելու է 200 հազար լարի՝ 100 հազար լարիի փոխարեն։

Նախագծի համաձայն՝ Ազգային բանկը իրավասու կլինի միկրոֆինանսական կազմակերպությունների համար միկրովարկավորման լրացուցիչ պահանջներ սահմանել։

«Միկրոֆինանսավորող կազմակերպությունների մասին» օրենքը, որն ուժի մեջ է մտել 2006 թվականին, սահմանել է միկրոֆինանսական կազմակերպության կողմից տրվող միկրովարկերի առավելագույն ընդհանուր գումարը՝ յուրաքանչյուր վարկառուի համար 50,000 լարիից ոչ ավելի: 2017 թվականի դեկտեմբերին օրենսդրության այլ փոփոխություններին զուգահեռ միկրովարկերի առավելագույն չափը 50 000 լարիից հասցվել է 100 000 լարիի։ Սահմանաչափի ավելացմանը զուգընթաց ուժեղացվել է նաև ոլորտի կարգավորումը, ինչը, ըստ կառավարության, ոլորտն ավելի առողջ, թափանցիկ և գրավիչ է դարձրել ներդրողների համար։ Այս փոփոխությունները բարելավեցին մրցակցային միջավայրը և արդյունքում միկրոֆինանսական հատվածի ընդհանուր պորտֆելի ծավալը 1,1 մլրդ լարիից դարձավ 1,7 մլրդ լարի։ Մեր օրերում միկրովարկերի առկա սահմանաչափը յուրօրինակ խոչընդոտ է ոլորտի զարգացման համար, քանի որ այն խոչընդոտում է նոր պրոդուկտներ մշակելու հնարավորությանը և դժվարանում է պահպանել առկա վարկառուներին»,- նշված է հայտարարության մեջ: