Վրաստանի ազգային հավաքականն այսօր ուժերը կչափի Մոնտենեգրոյի ընտրանու հետ։ Հանդիպումը կկայանա Պոդգորիցայի մարզադաշտում։

Մեր ընտրանին Ավստրիայում ավարտեց մարզական հավաքը, հունիսի 8-ին մարզվեց Գեյնբերգում ու մեկնեց Մոնտենեգրո, որտեղ կանցկացնի միակ ընկերական հանդիպումը Եվրոպայի առաջնությունից առաջ։

Մոնտենեգրոյի ազգային հավաքական

Մեր մրցակից թիմի գլխավոր մարզիչն է Ռոբերտ Պրոսինեցկին, իսկ ավագը՝ Ստեւան Յովետիչը։ ՖԻՖԱ-ի ընթացիկ վարկանիշում Մոնտենեգրոն զբաղեցնում է 70-րդ տեղը, իսկ լավագույն արդյունքը ունեցել է 2011 թվականի հունիսին՝ տասնվեցերորդ տեղը։

Մոնտենեգրոն աշխարհի նորագույն ազգային հավաքականներից մեկն է, որը միացել է ՖԻՖԱ-ին և ՈՒԵՖԱ-ին 2007 թվականին: Երկիրն ընդունվել է որպես ՖԻՖԱ-ի 208-րդ անդամ։ Չեռնոգորիան իր առաջին պաշտոնական միջազգային հանդիպումը անցկացրեց Հունգարիայի դեմ 2007 թվականի մարտին։

Փոխադարձ հանդիպումներ

2010 թվականի աշխարհի առաջնության ընտրական փուլում Մոնտենեգրոն Վրաստանի մրցակիցն էր։ Առաջին խաղն անցկացվել է 2009 թվականի ապրիլի 1-ին Թբիլիսիի «Դինամո Արենայում» և «Խաչակիրները» ոչ ոքի խաղացին՝ 0:0։ 2009 թվականի հոկտեմբերի 10-ին Պոդգորիցայում տանտերերը հաղթեցին 2:1 հաշվով։ Հանդիպման հաշիվը 14-րդ րոպեին բացել է Ռադոսլավ Բատակը։ 45-րդ րոպեին Վլադիմիր Դվալիշվիլին, ով այժմ Վրաստանի հավաքականի մարզչական շտաբի անդամ է, վերականգնեց հավասարակշռությունը։ Վերջնական հաշիվը 78-րդ րոպեին գրանցեց Անդրիա Դելիբաշիչը։ Այն ժամանակ Վրաստանի հավաքականը մարզում էր Հեկտոր Ռաուլ Կուպերը։ Չեռնոգորիան 9 միավորով խմբում զբաղեցրեց հինգերորդ տեղը, իսկ Վրաստանը զբաղեցրեց վերջին՝ վեցերորդ տեղը։

Լավագույն արդյունքը

Մոնտենեգրոն իր ամենամեծ հաջողությունը գրանցեց Եվրո 2012-ի ընտրական խմբում, որտեղ նրա մրցակիցներն էին Անգլիան, Ուելսը, Բուլղարիան և Շվեյցարիան։ Բալկանացիք խմբում զբաղեցրել են 2-րդ տեղը։ Թիմը կարող էր դուրս գալ Եվրո 2012, սակայն փլեյ-օֆֆում 0:3 հաշվով պարտվեց Չեխիայի ընտրանուն:

Մարզադաշտ

Մոնտենեգրոն իր տնային հանդիպումներն անցկացնում է Պոդգորիցայի քաղաքային մարզադաշտում (Stadion pod Goricom), որն ունի 15230 նստատեղ։

Ժամը 22:45-ին կմեկնարկի Մոնտենեգրոյի և Վրաստանի ազգային հավաքականների հանդիպումը։ Հանդիպման ուղիղ ռեպորտաժը կներկայացնի Առաջին ալիքը:

Վրաստանի հավաքականի հանդիպումների ժամանակացույցը

Ընկերական հանդիպում

Հունիսի 9 | Մոնտենեգրո – Վրաստան, ժամը 22:45

Եվրո 2024

Հունիսի 18 | Թուրքիա – Վրաստան 20:00

Հունիսի 22 | Վրաստան – Չեխիա 17:00

Հունիսի 26 | Վրաստան – Պորտուգալիա 23:00