Ջրագնդակի համաշխարհային լիգայի շրջանակներում Վրաստանի հավաքականը մրցել է Հունաստանի հզոր հավաքականի հետ:

Ռևազ Չոմախիձեի ղեկավարած թիմը Հունաստանին հյուրընկալել է «Օլիմպիկ» մարզահամալիրում:

Հանդիպումն ընթացել է հույների առավելությամբ և ավարտվել նրանց հաղթանակով ՝ 7:19:

Վրաստանի հավաքականին չեն կարողացել օգնել առաջատար մի քանի մարզիկներ, այդ թվում թիմի ավագ՝ Զուրա Ռուրուան, իսկ Հունաստանը Թբիլիսի էր ժամանել ուժեղ կազմով:

Հիշեցնենք, այսօր Լոզանում կայացել է Տոկիոյի 2020 թվականի օլիմպիական խաղերի, ջրագնդակի արտոնագրման մրցաշարի քվեարկությունը, որտեղ 12 թիմեր բաժանվել են երկու ենթախմբերի:

Պատմության մեջ առաջին անգամ Վրաստանի ջրագնդակի ազգային հավաքականը ելույթ է ունենալու օլիմպիական խաղերի որակավորման փուլում:

2020 թվականի Տոկիոյի օլիմպիական խաղերի արտոնագրման մրցաշարի քվեարկության արդյունքում, Վրաստանի ջրագնդակի ազգային հավաքականը հանդես կգա «Ա» խմբում: