Վրաստանի արտաքին գործերի նախարար Իլիա Դարչիաշվիլիի Սաուդյան Արաբիա կատարած այցի ընթացքում Վրաստանի և Սաուդյան Արաբիայի Թագավորության միջև ստորագրվել է միջկառավարական համակարգող խորհրդի ստեղծման մասին համաձայնագիր։

Համաձայնագիրը վրացական կողմից ստորագրել է արտաքին գործերի նախարար Իլիա Դարչիաշվիլին, իսկ Սաուդյան Արաբիայի կողմից՝ ԱԳՆ ղեկավար արքայազն Ֆեյսալ բին Ֆարհանը։

Վրաստանի արտաքին գործերի նախարարության տեղեկատվության համաձայն՝ համաձայնագրի համաձայն՝ միջկառավարական հանձնաժողովի նիստերը կդառնան պարբերական։ Բացի այդ, նշված փաստաթուղթը նախատեսում է ընդհանուր հետաքրքրություն ներկայացնող հարցերի շուրջ աշխատանքային խմբերի ստեղծում, որոնք պարբերաբար կանցկացնեն հանդիպումներ ու խորհրդակցություններ։

Ըստ ԱԳՆ-ի՝ փաստաթուղթը էապես կնպաստի քաղաքական և տնտեսական ուղղությամբ երկրների միջև համագործակցության խորացմանը և երկու երկրների միջև առկա հարաբերությունները կբերի որակական նոր փուլ։