Հունիսի 27-ին E60 Shipping Line-ի կողմից իրականացվել է Կոնստանտա-Փոթի առաջին չվերթը։ Այս մասին տեղեկություն է հրապարակում E60 Shipping Line ընկերությունը։

Ընկերությունից հայտնել են, որ այսօր ժամը 20:00-ին լաստանավը կմտնի Փոթի նավահանգիստ, որը կլինի առաջին հաջող լաստանավը Ռումինիայի և Վրաստանի միջև:

Փոթիից Կոնստանտա լաստանավը կմեկնի հունիսի 30-ին և կաշխատի կանոնավոր։

«Սա շատ կարեւոր նորություն է փոխադրողների եւ, ընդհանրապես, տրանսպորտի ոլորտի համար, եւ ամենակարեւոր քայլն է, որն արվել է Վրաստանը Եվրոպային մոտեցնելու համար։ Կոնստանցա նավահանգստում մաքսազերծելու և լաստանավը բեռնելու համար պահանջվեց ընդամենը վեց ժամ։ Ռումինիայից Վրաստան ճանապարհորդությունը կտևի ընդամենը 42 ժամ, որի ընթացքում վարորդները հնարավորություն կունենան մնալ հարմարավետ տնակներում և օգտվել ռեստորանից, բարից, ժամանցի գոտուց և Duty Free խանութից։ Վիլնյուս անունով 190 մետրանոց լաստանավը, որը վարձակալել է վրացական E60 Shipping Line ընկերությունը, սպասարկում է Եվրոպայի ամենաերկար ճանապարհային երթուղիներից մեկի՝ E60-ի սևծովյան հատվածը՝ այդպիսով փակելով այս երթուղին մինչև վերջ, ինչը չի եղել իր գոյության օրվանից: Փոթի-Կոնստանտա լաստանավային գիծը Կովկասի և Կենտրոնական Ասիայի երկրները Եվրոպայի հետ կապելու ամենակարճ ճանապարհն է, այն այլընտրանք չունի և մեծ նշանակություն ունի մեր երկրի և տարածաշրջանի համար։ Անդրկասպյան միջին միջանցքի գոյության և զարգացման համար դրա ճիշտ շահագործումը վճռորոշ նշանակություն ունի։ E60 Shipping Line-ը վրացական ծագում ունեցող միջազգային հոլդինգի անդամ ընկերություն է: Հոլդինգը տարիներ շարունակ գործում է ամբողջ աշխարհում այնպիսի ոլորտներում, ինչպիսիք են միջազգային ծանրոցները և առաքումը»,- ասվում է E60 Shipping Line ընկերության տարածած տեղեկատվության մեջ։