Վրաստանի ՆԳ նախարարության տեղեկատվության համաձայն, Վրաստանի կառավարության և Իսպանիայի Թագավորության կառավարության միջև ազգային վարորդական վկայականների փոխադարձ ճանաչման և փոխանակման մասին համաձայնագիրը կստորագրվի մոտ ապագայում։

Իսպանիայի Թագավորության Նախարարների խորհուրդն արդեն հայտնել է իր համաձայնությունը համաձայնագրի ստորագրման վերաբերյալ և նշված որոշման մասին տեղեկություն է տեղադրել Իսպանիայի Թագավորության նախագահի և Նախարարների խորհրդի պաշտոնական կայքում։

Ըստ ՆԳ նախարարության, համաձայնագրի ուժի մեջ մտնելուց հետո կողմերի կողմից տրված վավեր վարորդական իրավունքի վկայական ունեցողները կկարողանան հավասար ուժի վարորդական վկայական ստանալ իրենց օրինական բնակության երկրում՝ առանց տեսական կամ գործնական քննության։

Համաձայնագրով սահմանվում են վարորդական վկայականների այն կատեգորիաները և դասերը, որոնք համաձայնագրի ուժի մեջ մտնելուց հետո ենթակա են փոխանակման, դրանք են՝ AM, A1, A2, A, B, B+E, իսկ C1, C1+E, C, C+E, D1, D1+E, D և D+E վարորդական վկայականները փոխանակելու համար դիմորդները պետք է վարորդական թեստ հանձնեն ընդհանուր երթևեկության համար նախատեսված բաց ճանապարհներով՝ օգտագործելով տրանսպորտային միջոցը, կամ բեռնատար տրանսպորտային միջոցներ, որոնք թույլատրվելու են վարել նշված լիցենզիաներով: