Ներքին գործերի նախարար Վախտանգ Գոմելաուրին պաշտոնական այցով գտնվում է Հունաստանի Հանրապետությունում։ Այցի շրջանակներում Վախտանգ Գոմելաուրին պատգամավոր Ալեքսանդրե Դարախվելիձեի հետ հանդիպել է Հունաստանի Հանրապետության ենթակառուցվածքների և տրանսպորտի նախարար Քրիստոս Ստայկուրասի հետ։

Հանդիպումից հետո Վախտանգ Գոմելաուրին և Քրիստոս Ստայկուրասը պայմանագիր են ստորագրել վարորդական վկայականների փոխադարձ ճանաչման և փոխանակման մասին։

Համաձայնագրի ստորագրմանը ներկա են եղել Հունաստանի Հանրապետությունում Վրաստանի արտակարգ և լիազոր դեսպան Լևան Բերիձեն և Հունաստանի Հանրապետությունում ոստիկանության կցորդ Շոթա Խուրցիձեն։

Համաձայնագրի ուժի մեջ մտնելուց հետո կողմերի կողմից տրված վավեր վարորդական իրավունքի վկայական ունեցողները կկարողանան հավասար ուժի վարորդական վկայական ստանալ իրենց օրինական բնակության երկրում՝ առանց տեսական կամ գործնական քննություն անցնելու:

Համաձայնագրով սահմանվում են տրանսպորտային միջոցների այն կատեգորիաները/ենթակատեգորիաները, որոնց համար տրված վարորդական վկայականները ենթակա են փոխանակման, այն է՝ AM, A1, A2, A, B1, B, BE, C1, C, D1, D1E, D, DE, CE և C1E կատեգորիաներ/ենթակատեգորիաների համար հնարավոր կլինի փոխանակել վարորդական իրավունքի վկայականները՝ առանց տեսական կամ գործնական քննություններ հանձնելու։

Վրաստանի կառավարության և Հունաստանի Հանրապետության կառավարության միջև վարորդական վկայականների փոխադարձ ճանաչման և փոխանակման մասին համաձայնագիրը ուժի մեջ կմտնի կողմերի համապատասխան ներքին ընթացակարգերի ավարտից հետո։

Նշենք, որ Վրաստանը նմանատիպ պայմանագրեր է կնքել նաեւ Իսպանիայի Թագավորության եւ Իռլանդիայի հետ։

Տեղեկությունը տարածում է ՆԳՆ մամուլի ծառայությունը։