«Վրացական երկաթուղին» դիմում է ուղևորներին և պարզաբանում, որ Արևմտյան Վրաստանում վատ եղանակի պատճառով պարբերաբար առաջանում են լարման խնդիրներ իրենցից անկախ պատճառներով, ինչը կարող է հանգեցնել գնացքների տեղաշարժի ուշացման։

Ելնելով վերոգրյալից՝ երկաթուղին առաջարկում է ուղեւորներին տոմսը վերադարձնելու հնարավորություն։

«Արևմտյան Վրաստանում վատ եղանակի պատճառով կոնտակտային ցանցում պարբերաբար լարման խնդիրներ են առաջանում Վրաստանի երկաթուղուց անկախ պատճառներով, ինչը կարող է առաջացնել երթևեկության խափանումներ և գնացքների ուշացումներ։ Վրաստանի երկաթուղին, ելնելով վերոնշյալից, չունի ուղևորների անխափան փոխադրում ապահովելու հնարավորությունը և յուրաքանչյուր ուղևորի առաջարկում է մինչև մեկնումը վերադարձնել տոմսը», – նշել են «Վրաստանի երկաթուղում»։