Բաթուում բողոքի ցույցի ժամանակ ձերբակալված Թեմուր Քաթամաձեն հացադուլի 48-րդ օրը տեղափոխվել է բուժհաստատություն։ Այս մասին տեղեկություն է տարածում Վրաստանի երիտասարդ իրավաբանների ասոցիացիան։

Ինչպես գրում է Վրաստանի երիտասարդ իրավաբանների ասոցիացիան, Քաթամաձենի վերջին բուժզննումն անցկացվել է փետրվարի 15-ին, իսկ երեկ նա համաձայնել է տեղափոխվել կլինիկա՝ առողջական ստուգման։

«Հացադուլի 48-րդ օրը Թեմուր Քաթամաձեն տեղափոխվել է բուժհաստատություն։ Նրա վերջին բուժզննումն անցկացվել է 2025 թվականի փետրվարի 15-ին, երբ նրան տեղափոխել են բուժհաստատություն՝ առողջական ստուգման։ Այս պահին, չնայած իր խնդրանքին, նրան մերժել են հոսպիտալացնել և նույն օրը վերադարձել ժամանակավոր տեղաբաշխման կենտրոն։ Այդ օրվանից հետո Թեմուր Քաթամաձեն, ի նշան բողոքի, հրաժարվել է որևէ բժշկական հետազոտություն անցնել։

Չնայած բազմաթիվ խնդրանքներին՝ ՆԳՆ միգրացիոն վարչությունը մեզ չի տրամադրել փետրվարի 9-ից հետո նրա առողջական վիճակի մասին, ոչ էլ բժշկական փաստաթղթեր փետրվարի 15-ին բուժհաստատությունում անցկացված հետազոտությունների և արդյունքների մասին։ Ինչպես նշում է ինքը՝ Թեմուր Քաթամաձեն, հացադուլի այս ընթացքում նա արդեն նիհարել է ավելի քան 20 կիլոգրամով, իրեն թույլ է զգում և դժվարանում է ազատ տեղաշարժվել, ինչի պատճառով երեկ նա համաձայնել է տեղափոխվել կլինիկա՝ իր առողջական վիճակը ստուգելու համար։

Մարտի 18-ին Թբիլիսիի քաղաքային դատարանը կքննի նրան փախստականի կամ մարդասիրական կարգավիճակ տրամադրելու հարցը։ Վերոնշյալ վեճի շրջանակներում Թեմուր Կատամաձեն բողոքարկում է ՆԳՆ միգրացիոն վարչության որոշումը, որն անհիմն կերպով մերժել է իրեն փախստականի կամ հումանիտար կարգավիճակ տրամադրել դիմումը ներկայացնելուց հետո 3 օրվա ընթացքում»,- գրում է Վրաստանի երիտասարդ իրավաբանների ասոցիացիան։