Վրաստանի ընտրական համակարգի փոփոխման նպատակով պատրաստված սահմանադրական փոփոխությունները առաջին ընթերցմամբ կքննարկեն հունիսի 21-ի արտահերթ նիստին
Վրաստանի ընտրական համակարգի փոփոխման նպատակով պատրաստված սահմանադրական փոփոխությունները առաջին ընթերցմամբ կքննարկեն հունիսի 21-ի արտահերթ նիստին, որի հաստատման համար անհրաժեշտ է առնվազն 113 պատգամավորի աջակցություն:
Սահմանադրական նախագիծը սկզբունքների մակարդակով արդեն քննարկել են իրավաբանական հարցերով կոմիտեի այսօրվա նիստին, որտեղ նախագծին աջակցել է 11 պատգամավոր:
Սահմանադրական նախագիծը հաշվի առնելով, 2020 թվականի խորհրդարանական ընտրությունները կանցկացվեն խառը համակարգով – խորհրդարանում կընտրվի 120 անդամ համամասնական և 30 անդամ՝ մեծամասնական ընտրական համակարգով:
Փոփոխություններով կսահմանվի, որ համամասնական պատնեշը կսահմանվի մեկ տոկոսի և բլոկում ընդգրկված կուսակցությունների արտադրյալով:
Օրինագիծը սահմանում է 30 մանդատից բաղկացած մեծամասնական ընտրատարածքի սահմաններն այժմ գործող վարչական սահմաները հաշվի առնելով:
Նախագծի համաձայն, 2020 թվականի ընտրություններին մասնակցելու իրավունք ունի կուսակցությունը, որի աջակցությունը հաստատված կլինի 5000 ընտրողից ոչ պակաս ստորագրությամբ:
Բացի այդ, ըստ փոփոխության, 5000 ստորագրություն ներկայացնելու պարտականությունից ազատվում են բոլոր որակավորված կուսակցությունները, բոլոր կուսակցությունները, որոնք անկախ կամ բլոկով մասնակցում էին խորհրդարանի կամ տեղի ինքնակառավարման վերջին ընտրություններին և համամասնական կարգով ստացել են առնվազն 15 000 ձայն:
Օրինագծով նաև սահմանվում է այն, որ մինչև 2024 թվականի, արտահերթ ընտրությունների անցկացման դեպքում, կգործի ներկայացված սահմանադրական օրինագծով սահմանված ժամանակավոր ընտրական համակարգը: