Ուկրաինայում Վրաստանի դեսպան Գիորգի Զաքարաշվիլիի խոսքով՝ Ուկրաինայում վիրավորված վրացի մարտիկների թիվը հասել է ութի։ Այս մասին Զաքարաշվիլին հայտնել է Վրաստանի Առաջին ալիքին։ Նրա խոսքով՝ տուժածները կլինիկայում համապատասխան բուժզննումներ են անցնում։ Նրանցից մեկի վիճակը ծանր է։ Ինչ վերաբերում է նախօրեին Խարկովի մարզում ռուսական օկուպացիոն ուժերի հետ բախումների ժամանակ զոհված երկու վրացի մարտիկներին, ապա դեսպանատան տվյալներով՝ դիերը ներկայումս գտնվում են մի տարածքում, որտեղից չեն կարող տեղափոխվել իրենց հայրենիք։

«Չեմ կարող հստակ ասել, թե Ուկրաինայում սպանված վրացի մարտիկների դիերը երբ կտեղափոխվեն հայրենիք։ Դա կախված է նրանից, թե երբ են դիերը կտեղափոխվեն անվտանգ վայր։ Մնացած երթուղին համապատասխանաբար կդասավորվի։ Այնպես որ, դեռ վաղ է խոսել այդ մասին: Ինչպես գիտենք, նրանց ընկերները փորձում են դուրս բերել, որտեղ համապատասխան ծառայությունը կներգրավվի ու կտեղափոխի Վրաստան։ Քանի դեռ դիակները չեն բերվել անվտանգ վայր, ժամանակն ու երթուղին չի կարելի ասել։

Վիրավորները, որքան գիտենք, ընդհանուր առմամբ ութն են։ Դրանցից մեկը համեմատաբար ծանր է։ Մնացածը քիչ թե շատ թեթև։ Բոլորը գտնվում էին հիվանդանոցում և ստացել են համապատասխան բուժօգնություն։ Խնդիրն այն է, թե որտեղ են տեղափոխվում կամ մնում։ Ուստի այս գործընթացն ընթանում է, և ես չեմ կարող ձեզ ասել, թե ուր և ինչպես կտեղափոխվեն դրանք կամ դիակները կտեղափոխվեն այնպիսի վայր, որտեղ կարող է սկսվել նրանց տեղափոխման գործընթացը»,- ասել է Գիորգի Զաքարաշվիլին։