Վրաստանի դատախազությունը այսպես կոչված «Քոլ կենտրոնների» գործի վերաբերյալ հայտարարություն է տարածում:

Դատախազությունն արձագանքում է «Եվրոջասթ»-ի այսօր տարածած հայտարարությանը, մի քանի երկրներում, այդ թվում Վրաստանում իրականացրած հատուկ միջոցառումների կապակցությամբ, որը նպատակ ուներ խարդախ առցանց հարթակների և հանցանքին մասնակից անձանց բացահայտելը:

«Մենք ցանկանում ենք արձագանքել «Եվրոջասթ»-ի այսօր տարածած հայտարարությանը մի քանի երկրներում, այդ թվում՝ Վրաստանում տեղի ունեցած հատուկ միջոցառման վերաբերյալ, որի նպատակն է բացահայտել խարդախ առցանց հարթակներն ու հանցագործության մեջ ներգրավված անձանց։

Նման մի միջոցառում անցկացվել է այս տարվա մարտին՝ բացահայտելու հանցագործության մեջ ներգրավված անձանց, որոնց գործողություններով 89 միլիոն եվրոյի վնաս է պատճառվել առնվազն 33 հազար զոհի՝ եվրոպական տարբեր երկրների քաղաքացիների։

Հանցավոր խարդախ ցանցը, որն իբր գործել է 2019-2021 թվականներին՝ սոցիալական ցանցերում և այլ հանրային վայրերում տեղադրված գովազդների և, այսպես կոչված «Քոլ կենտրոնների» օգնությամբ, եվրոպական տարբեր երկրների քաղաքացիներին խոստացել է ներդրումներ ներգրավել, իսկ դրա դիմաց՝ բարձր շահույթ։ Ավելի ուշ տուժողները կորցրել են կատարված ներդրումները, որոնք բաժանվել են հանցագործների բանկային հաշիվներին։

Վրաստանում անցկացված միջոցառումը վարում էր Վրաստանի դատախազությունը՝ համաձայնեցնելով Eurojust-ում Վրաստանի կապի դատախազի հետ։

Համատեղ քննչական խմբի շրջանակներում Վրաստանի տարածքում Վրաստանի դատախազության և Գերմանիայի իրավապահ մարմինների համապատասխան ներկայացուցիչների ներգրավմամբ իրականացվելիք քննչական գործողությունները նախատեսված են եղել վերջին մի քանի ամիսներին, Եվրոպական միության արդարադատության ցանցի աջակցությամբ:

Նախատեսված քննչական գործողությունները, կողմերի համաձայնությամբ, իրականացվել են միաժամանակ մի քանի երկրներում՝ Բուլղարիայում, Ռումինիայում, Իսրայելում և Վրաստանում, ինչի արդյունքում մեկ այլ երկրի տարածքում ձերբակալվել է հնարավոր հանցագործության մեջ ներգրավված հինգ անձ։ Հարցաքննվել են նաև ենթադրյալ հանցագործության մեջ ներգրավված անձինք, առգրավվել են մեծ քանակությամբ փաստաթղթեր և էլեկտրոնային տեղեկատվության կրիչներ։

Գործով նախաքննությունը և միջազգային համագործակցությունը շարունակվում է հանցավոր խմբի անդամներին, ինչպես նաև նմանատիպ գործունեությամբ զբաղվող այլ ֆիզիկական կամ իրավաբանական անձանց հայտնաբերելու և բացահայտելու ուղղությամբ։

Հասարակությանը հիշեցնենք, որ Վրաստանի դատախազությունը Եվրաջասթի աջակցությամբ, այսպես կոչված Խարդախ զանգերի կենտրոնների գործունեության դեմ պայքարելու նպատակով երկար տարիներ ակտիվորեն համագործակցում է Գերմանիայի Դաշնային Հանրապետության և բազմաթիվ այլ երկրների իրավասու մարմինների հետ։

Համատեղ քննչական խմբի շրջանակներում անդրազգային, այսպես կոչված Խարդախ զանգերի կենտրոնները և կազմակերպված հանցավորության մեջ ներգրավված անձանց հայտնաբերելու նպատակով 2021 թվականի հոկտեմբերին և 2022 թվականի նոյեմբերին Վրաստանում անցկացվել են լայնածավալ միջոցառումներ։

Միջոցառման շրջանակներում խուզարկվել են մի քանի ակտիվ զանգերի կենտրոններ, տասնյակ ֆիզիկական անձինք, նրանց բնակարանները, մեքենաներն ու աշխատատեղերը։ Առգրավվել են տեղեկատվության, փաստաթղթերի հարյուրավոր էլեկտրոնային կրիչներ և մեծ քանակությամբ կանխիկ գումար։

Միաժամանակ առգրավվել է տասնյակ միլիոնավոր լարիի գույք, բանկային հաշիվներում տեղադրված խոշոր գումարներ։

Ձեռնարկված լայնածավալ միջոցառումների արդյունքում կազմակերպված հանցավոր խմբի ղեկավարներն ու տասնյակ անդամներ ձերբակալվել են, քրեական հետապնդում է սկսվել հանցագործության մեջ ներգրավված իրավաբանական անձանց նկատմամբ։

Վրաստանում անցկացված հատուկ գործողություններին մասնակցել են Գերմանիայի Դաշնային Հանրապետության շուրջ 80 աշխատակիցներ և Վրաստանի իրավապահ մարմինների 400 աշխատակիցներ։

Վրաստանի գլխավոր դատախազության հիմնական ուղղություններից է եվրոպական տարբեր երկրների տարածքում լայն տարածում գտած անդրազգային հանցավորության դեմ պայքարը, բազմաթիվ երկրների իրավապահ կառույցների աշխատակիցները, որոնց հետ Վրաստանի գլխավոր դատախազությունը ակտիվորեն համագործակցում է, ներգրավված է հանցավոր սխեմաների և մասնակիցների բացահայտման գործում։

Վրաստանի դատախազությունը ևս մեկ անգամ շնորհակալություն է հայտնում Eurojust-ին և Գերմանիայի Դաշնային Հանրապետության քննչական կառույցներին՝ անդրազգային հանցավորության դեմ պայքարում արդյունավետ համագործակցության համար»,- ասված է դատախազության հաղորդագրությունում։