Վրաստանի արտաքին գործերի նախարարությունը դատապարտում է Բելառուսի Հանրապետության նախագահի հանդիպումը օկուպացիոն ռեժիմի ներկայացուցիչների հետ,- ասված է օկուպացիոն ռեժիմի ներկայացուցիչ Ասլան Բժանիայի՝ Բելառուսի Հանրապետություն ժամանման կապակցությամբ տարածված հայտարարության մեջ։

Վրաստանի արտաքին գործերի նախարարության գնահատմամբ՝ այս գործողությունը փորձ է լեգիտիմացնելու Ռուսաստանի օկուպացիոն ռեժիմը։

«Նշված գործողությունը կոպտորեն խախտում է Վրաստանի ինքնիշխանությունն ու տարածքային ամբողջականությունը միջազգայնորեն ճանաչված սահմաններում և փորձ է օրինականացնել ռուսական օկուպացիոն ռեժիմը։

Մենք կոչ ենք անում Բելառուսին հարգել Վրաստանի ինքնիշխանությունն ու տարածքային ամբողջականությունը միջազգայնորեն ճանաչված սահմաններում, դադարեցնել այնպիսի գործողություններ, որոնք հակասում են միջազգային իրավունքի հիմնարար սկզբունքներին և նորմերին»,- ասվում է հայտարարության մեջ։

Բելառուսի նախագահ Ալեքսանդր Լուկաշենկոն Մինսկում հանդիպել է օկուպացված Աբխազիայի «առաջնորդ» Ասլան Բժանիայի հետ, որտեղ նա ասել է. «Ինչո՞ւ է Վրաստանի ղեկավարությունն այդքան կտրուկ արձագանքում աբխազների հետ հանդիպումներին»։ Միգուցե այս հանդիպումները ծառայում են աբխազների և վրացիների բարեկամությանը»։