Վրաստանի արտաքին գործերի նախարարություն - Ուկրաինայի դեսպանատան ներկայացուցչին անհանգստություն ենք հայտնել «Georgian Airways»-ի նկատմամբ պատժամիջոցներ սահմանելու վերաբերյալ, որը, վրացական կողմի կարծիքով, անհիմն է
Վրաստանի արտաքին գործերի նախարարությունում հանդիպում է կայացել Վրաստանում Ուկրաինայի դեսպանատան ներկայացուցչի հետ։
Վրաստանի արտաքին գործերի նախարարության տեղեկատվության համաձայն՝ հանդիպման նպատակը «Georgian Airways» ավիաընկերությանն Ուկրաինայի իշխանությունների կողմից պատժամիջոցների ցուցակում ներառելն էր։
«Հանդիպմանը մտահոգություն է արտահայտվել նշված որոշման առնչությամբ, որը, ըստ վրացական կողմի, անհիմն է։ Այս առնչությամբ պարզաբանումներ են խնդրել ուկրաինական կողմից։
Ուկրաինայում Վրաստանի դեսպանը նույնպես իր մտահոգությունն է հայտնել վրացական ավիաընկերության նկատմամբ պատժամիջոցներ սահմանելու կապակցությամբ»,- ասվում է Վրաստանի արտաքին գործերի նախարարության տեղեկատվության մեջ։
Ուկրաինայի նախագահ Վոլոդիմիր Զելենսկին հուլիսի 1-ին պատժամիջոցներ է կիրառել 190 ֆիզիկական անձանց և 290 ընկերությունների, այդ թվում՝ «Georgian Airways»-ի և Թամազ Գաիաշվիլիի նկատմամբ։