Վրաստանի փոխվարչապետ, արտաքին գործերի նախարար Դավիթ Զալկալիանին Մյունխենի համաժողովի շրջանակներում հանդիպել է Հորդանանի փոխվարչապետ և արտաքին գործերի նախարար Այման Հուսեյն Աբդուլլահ աս-Սաֆադիի հետ։

Վրաստանի ԱԳՆ-ից հայտնում են, որ նախարարները հանգամանալից քննարկել են վրաց-հորդանանյան երկկողմ հարաբերությունները և ընդգծել երկու երկրների միջև հաստատված գործընկերությունն ու սերտ բարեկամական համագործակցությունը։ Դավիթ Զալկալիանին շնորհակալություն է հայտնել հորդանանյան կողմին, անձամբ Հորդանանի թագավոր Աբդալլահ II-ին, ինչպես նաև իր գործընկերոջը` կարևոր որոշման համար, ըստ որի Հորդանան գետի վրա գտնվող սուրբ հողի մի մասը փոխանցվել է Վրաստանի մշտական ​​սեփականությանը։ Վերահաստատվել է կողմերի պատրաստակամությունը՝ սերտորեն համագործակցելու նշված հողատարածքում վրացական մշակութային կենտրոնի կառուցման և շահագործման հարցում։

Նախարարները հանդիպմանը նշել են բարձր մակարդակի այցերի փոխանակման կարևորությունը հետագա սերտ համագործակցության համար և պատրաստակամություն հայտնել ակտիվորեն աշխատել մոտ ապագայում նմանատիպ այցերի փոխանակման ուղղությամբ։ Բանակցությունների հիմնական թեման է եղել Մերձավոր Արևելքի հետ Վրաստանի սերտ և լավ համագործակցությունը, հատկապես առևտրատնտեսական համագործակցության աճող ներուժը, ինչպես նաև հաջող համագործակցությունը զբոսաշրջության և մարդկանց միջև հարաբերությունների առումով: