Վրաստանի առաջին նախագահ Զվիադ Գամսախուրդիայի 80 ամյա հոբելյանը այսօր նշվելու է տարբեր միջոցառումներով: Միջոցառումների մասին որոշումը ընդունել է հատուկ ստեղծված պետական հանձնաժողովը, վարչապետ Մամուկա Բախտաձեի գլխավորությամբ, որի կազմ են մտնում գործադիր իշխանության ներկայացուցիչները:

Հանձնաժողովի որոշմամբ, այսօր Վրաստանի ազգային գրադարանում կազմակերպվելու է ցուցահանդես, որտեղ ներկայացվելու են Զվիադ Գամսախուրդիայի ստեղծագործությունները, հարցազրույցները, լւոսանկարները, գրքերը: Ցուցահանդեսը Վրաստանի վարչապետ Մամուկա Բախտաձեի հետ միասին դիտելու են նաև խորհրդարանի նախագահ Իրակլի Կոբախիձեն և Թբիլիսիի քաղաքապետ Կախա Կալաձեն:

Դրա հետ մեկտեղ, կրթության նախարարությունը Շոթա Ռուսթավելիի գիտական հիմնադրամի հետ միասին, վրացագիտության զարգացման համար արտերկրում գործող գիտնականների համար հաստատում է Զվիադ Գամսախուրդիայի անվան պարգև, որը ամեն տարի փոխանցվելու է մարտի 31-ին:

Տարածաշրջանային զարգացման և ենթակառուցվածքների նախարարությունը Զուգդիդում կառուցելու է նոր գրադարան, որը կրելու է Վրաստանի առաջին նախագահի անունը: Զուգահեռաբար Վրաստանի ողջ տարածքով տեղի են ունենալու Զվիադ Գամսախուրդիայի հիշատակին նվիրված միջոցառումներ:

Այսօր, 18:00-ին Կոտե Մարջանիշվիլիի անվան պետական դրամատիկական թատրոնի մեծ բեմում տեղի է ունենալու Զվիադ Գամսախուրդիային նվիրված երեկո:

Բացի այդ, կառավարության որոշմամբ, Վրաստանի փոստը դուրս է թողել Զվիադ Գամսախուրդիայի հոբելյանի կապակցությամն փոստային նամականիշ: