Վրաստանի Առաջին ալիքի երեք լրագրողներ ընդգրկվել են «ԵՄ մրցանակ լրագրության ոլորտում» մրցույթի եզրափակիչում։

Մրցույթին առաջադրված են Վրաստանի Առաջին ալիքի լրագրողներ Քեթի Թութբերիձեն և Նատա Տաբիձեն՝ «Ամենաօրիգինալ և նորարար աշխատանք տպագիր, էլեկտրոնային կամ հեռարձակվող լրատվամիջոցներում»։ Վրաստանի Առաջին ալիքի լրագրող Անա Մասխարաշվիլին նույնպես առաջադրվել է «Հեռարձակվող կամ առցանց լրատվամիջոցների լավագույն ռեպորտաժ» անվանակարգում։

Տեղեկությունը տարածում է Վրաստանում ԵՄ պատվիրակությունը։

Հայտնի են «ԵՄ-ի լրագրության մրցանակի» եզրափակիչ փուլի մասնակիցները յոթ անվանակարգերում։

«Շնորհակալ ենք բոլոր դիմորդներին մասնակցության համար և եզրափակչի մասնակիցներին մաղթում ենք հաջողություն»,- ասվում է ԵՄ պատվիրակության ֆեյսբուքյան էջում։