Վրաստանի անկախության օրվա կապակցությամբ Ստոկհոլմում Վրաստանի դեսպանատան կազմակերպմամբ տեղի է ունեցել հանդիսավոր միջոցառում
Վրաստանի անկախության օրվա կապակցությամբ Ստոկհոլմի Ռոսենդալի թագավորական այգում Վրաստանի դեսպանատան կազմակերպմամբ տեղի է ունեցել հանդիսավոր միջոցառում։
Վրաստանի հյուրերին հյուրընկալել է Վրաստանի արտակարգ և լիազոր դեսպան Իրակլի Խուցուրաուլին, ով ողջունել է ներկաներին խոսքով։ Դեսպանն ուշադրություն է հրավիրել Վրաստան–Շվեդիա պատմական հարաբերություններին, Վրաստանի արտաքին քաղաքական առաջնահերթություններին և երկրի ձեռքբերումներին։
Միջոցառումը բացվել է Վրաստանի և Շվեդիայի օրհներգերի կենդանի կատարումով։ Ներկայացվել են վրացական ավանդական պարեր և շվեդ երաժիշտների կատարմամբ վրացական երգեր։ Հյուրերին հնարավորություն է տրվել համտեսել վրացական ավանդական ուտեստներ և գինի։
Միջոցառմանը ներկա են եղել Շվեդիայի օրենսդիր և գործադիր իշխանությունների, Շվեդիայում հավատարմագրված դիվանագիտական կորպուսի, լրատվամիջոցների, ակադեմիական շրջանակների և վրացական սփյուռքի ներկայացուցիչները։
Այս մասին հաղորդում է Վրաստանի արտաքին գործերի նախարարությունը։