Ստրասբուրգի մարդու իրավունքների եվրոպական դատարանում, գործով՝ «Վրաստանը Ռուսաստանի դեմ (գործ II)» ավարտվել են վերջին բանավոր լսումները: Այս մասին Ստրասբուրգից տեղեկացնում է առաջին ալիքի լրագրողը:

Դատական նիստը սկսվել է Թբիլիսիի ժամանակով, ժամը 11:00-ին Վրաստանի դիրքորոշման ներկայացմամբ:

Վրաստանի պետության հետաքրքրությունների պաշտպանողը նիստին ելույթ է ունեցել երկու ժամից ավել: Փաստաբան Բեն Էմերսոնը խոսքը սկսել է նրանով, որ անկախությունից 100 տարի անց, Ռուսաստանը կրկին շարունակում է Վրաստանի տարածքների ագրեսիվ բռնազավթումը:

Ներածական խոսքում փաստաբանը զրուցել է ազգային զտման և դա հաստատող ապացույցների մասին և նշել, որ Ռուսաստանը ջանք չի խնայել վրացիներին սեփական տարածքներից վռնդելու համար:

Ինչ վերաբերում է Ռուսաստանի դաշնությանը, ապա Ռուսաստանի անունից սկզբում ելույթ է ունեցել արդարադատության նախարարության ներկայացուցիչ Միխեիլ Գալպերինը, որից հետո զրույցը շարունակել է փաստաբանը: Նրանք ընդհանուր առմամբ մոտ 100 անգամ կրկնել են այս բառակապակցությունները՝ ֆալսիֆիկացիա և կեղծում: Ռուսաստանի ներկայացուցիչները փորձել են,  մարդկանց սպանությունների, կտտանքների և այլ հիմնարար իրավունքների խախտման թեմայից, շեշտը դնել նրա վրա, թե ով է սկսել պատերազմը:

Միջպետական վեճը քննարկում է Ստրասբուրգի դատարանի մեծ պալատը, որը կոմպլեքտավորված է 17 երկրներից, այդ թվում Վրաստանից և Ռուսաստանից ընտրված դատավորներով: Մեծ պալատը ղեկավարում է մարդու իրավունքների եվրոպական դատարանի նախագահ Գվիդո Ռայմոնդը (Իտալիա): Դատավորների կազմում են Վրաստանի ներկայացուցիչ՝ Լադո Ճանտուրիան, իսկ Ռուսաստանը ներկայացնում է Դմիտրի Դեդովը:

Արդարադատության նախարարության լրատվությամբ, 2016 թ. հունիսի 3-17-ը Ստրասբուրգի մարդու իրավունքների եվրոպական դատարանը ընդհանուր առմամբ լսել է 33 վկայի (վկաները կանչվել են ինչպես Վրաստանի և Ռուսաստանի կողմից, այնպես էլ դատարանի նախաձեռնությամբ): Գործի էական կողմի քննարկումից հետո, 2013 թվականի հոկտեմբերի 8-ից մինչ այսօր ուսումնասիրվել է տարբեր աղբյուրներում գոյություն ունեցող լայնածավալ, կոմպլեքսային և մեծ քանակությամբ փաստաթուղթ/ապացույցներ: Նրանցից ընտրվել և Ստրասբուրգի դատարանին է փոխանցվել 700 ապացույց:

Օգոստոսյան պատերազմի գործով, Վրաստանը Ռուսաստանին մեղադրում է եվրոպական հռչակագրի 8 հոդվածի խախտման մեջ, կոնկրետ, Վրաստանը գտնում է, որ Ռուսաստանը պատերազմի և հետագա բռնազավթման ժամանակ խախտել է եվրոպական հռչակագրի հետևյալ հոդվածները՝ կյանքի իրավունք, կտտանքների, անմարդկային կամ արժանապատվությունը խախտող վերաբերմունքի կամ պատժի արգելում, ազատության և անվտանգության իրավունք, անձնական և ընտանեկան կյանքի պաշտպանության իրավունք, իրավական պաշտպանության հնարավորության իրավունք, սեփականության պաշտպանություն, կրթության իրավունք, անց ու դարձի իրավունք: