Վրաստանը, Մոլդովան և Ուկրաինան չպետք է դառնան աշխարհաքաղաքականության զոհ, յուրաքանչյուր ճանապարհ դեպի Եվրամիություն անհատական է, վստահ եմ, եթե Վրաստանը կատարի պայմանները, կստանա կարգավիճակ. Իվան Կորչոկ
Սլովակիայի արտաքին գործերի նախարար Իվան Կորչոկի խոսքով, լայն աջակցություն կա Եվրահանձնաժողովի կողմից Վրաստանին, Ուկրաինային և Մոլդովային ուղղված առաջարկություններին։
Նրա խոսքով՝ Սլովակիան աջակցում է բոլոր երեք երկրների եվրոպական հեռանկարին։
Սակայն Իվան Կորչոկն ասում է, որ բոլոր երեք երկրներն էլ ցանկություն են հայտնել ապրել Եվրամիությունում, ուստի չպետք է աշխարհաքաղաքականության զոհ դառնան։
«Մենք կարծում ենք, որ սա աննախադեպ որոշում է, որն ընդունվել է աննախադեպ իրավիճակում, որն է Ուկրաինայի պատերազմը։ Սլովակիան աջակցում է բոլոր երեք երկրների եվրոպական հեռանկարին։ Հանձնարարականը պարունակում է կոնկրետ պայմաններ, որոնք պետք է կատարվեն, թեև կարծում եմ, որ ի վերջո դա շատ հստակ պատասխան կլինի ռուսական ագրեսիային և այն փաստին, որ երեք երկրներն ու նրանց քաղաքացիները տեսնում են իրենց ապագան Եվրամիությունում։ Այս որոշման մեջ աշխարհաքաղաքականություն չպետք է լինի, քանի որ երեք երկրներն էլ ցանկություն են հայտնել ապրել Եվրամիությունում, ուստի չպետք է դառնան աշխարհաքաղաքականության զոհ։ Դա այն է, ինչին մենք ցանկանում ենք հասնել, յուրաքանչյուր երկրի ճանապարհը դեպի Եվրամիություն անհատական է և կախված է արժանիքներից։ Մենք լավագույն հարաբերություններն ունենք Վրաստանի հետ և աջակցում ենք դրան։ Վստահ եմ, որ եթե Վրաստանը կատարի պայմանները, ապա կստանա կարգավիճակ»,- ասել է Սլովակիայի ԱԳ նախարարը Եվրամիության ԱԳ նախարարների այսօրվա հանդիպումից հետո։
