Վրաստանը կլինի տարածաշրջանի առաջին երկրներից մեկը, որը կսկսի բանակցել Արաբական Միացյալ Էմիրությունների հետ ազատ առևտրի համաձայնագրի շուրջ: Կարևոր է, որ բանակցությունները սկսվեն առանց հատուկ ուսումնասիրության, քանի որ հաշվի առնելով երկու երկրների միջև առևտրատնտեսական միտումները, ակնհայտ է, որ ազատ առևտուրը օգուտ կբերի երկու կողմերին, – այս մասին Արաբական Միացյալ Էմիրությունների էկոնոմիկայի նախարարությունում կայացած հանդիպումից հետո,  հայտարարել է էկոնոմիկայի և կայուն զարգացման նախարար Նաթիա Թուրնավան հանդիպումից հետո:

Հանդիպմանը նշվել է, որ Վրաստանի և Արաբական Միացյալ Էմիրությունների միջև առևտրի դինամիկան աճում է:

«Մենք հանդիպում ունեցանք Էմիրությունների մեծ առևտրային ցանցի հետ, որը ապրանքներ է ներմուծում Վրաստանից, հետևաբար, վրացի արտադրողների հետ համագործակցության դրական փորձ ունի, և որ ամենակարևորն է, վրացական արտադրանքի, հատկապես ագրոարդյունաբերական արտադրանքի ծավալը աճում է: Կարծում եմ, որ Արաբական Միացյալ Էմիրությունների հետ ազատ առևտրի համաձայնագրի իրականացումը հնարավորություն կտա ավելի շատ վրացական արտադրանք ներկայացնել ԱՄԷ -ի շուկայում», – ասել է Նաթիա Թուրնավան:

Նշենք, որ Վրաստանը կլինի տարածաշրջանի առաջին երկիրը, որը բանակցություններ կսկսի Արաբական Միացյալ Էմիրությունների հետ ազատ առևտրի համաձայնագրի շուրջ: