Հունաստանի նորացված կանոնակարգի համաձայն, որը կհրապարակվի փետրվարի 7-ին, Վրաստանը կավելացվի այն երկրների ցանկին, որոնց քաղաքացիները կարող են մուտք գործել Հունաստան,- այս մասին տարածել է Վրաստանի ԱԳՆ հյուպատոսական վարչությունը։

«Բացի այդ, Վրաստանի քաղաքացիները կարող են մեկնել Հունաստան, եթե՝ Հունաստան մեկնող ուղևորը բավարարում է հետևյալ պայմաններից մեկը.

Պատվաստված է մեկնելուց առնվազն 14 օր առաջ, կամ ունի պատվաստման վկայական, որը վավեր է ինը (9) ամիս պատվաստման վերջին դեղաչափից հետո:

Կամ ներկայացնել Covid-19-ից ապաքինման վկայական՝ տրված ախտորոշումից հետո 14-րդ օրը՝ 180 օր ժամկետով։

Կամ ներկայացնել բացասական մոլեկուլային թեստ (PCR), որը կատարվել է ճանապարհորդությունից մինչև 72 ժամ առաջ, կամ արագ հակագենային թեստի բացասական պատասխան, որը կատարվել է քսանչորս (24) ժամ առաջ:

Բոլոր ուղևորներից պահանջվում է լրացնել PLF ձևաթուղթը Հունաստան մեկնելուց առաջ»,- ասվում է Վրաստանի արտաքին գործերի նախարարության հյուպատոսական վարչության հաղորդագրության մեջ։

Հյուպատոսական վարչությունը նշում է, որ Հունաստան մեկնող բոլոր անձանց համար պարտադիր է լրացնել էլեկտրոնային դիմում մեկնելուց 24 ժամ առաջ հետևյալ կայքում՝ https://travel.gov.gr/#/: Ընտանիքի անդամները կարող են լրացնել միասնական ձևաթուղթ:

«Խնդրում ենք նկատի ունենալ, որ ճանապարհորդության կանոնակարգերը արագորեն փոխվում են համաճարակի ժամանակ», – հայտնել են Վրաստանի արտաքին գործերի նախարարության հյուպատոսական վարչությունում։