Վրաստանը ԱՄՆ-ից կստանա 67 միլիոն դոլլարի դրամաշնորհ՝ մինչև 330 միլիոն ավելացման հեռանկարով
Վրաստանը և Ամերիկայի Միացյալ Նահանգները (ի դեմս ԱՄՆ Միջազգային զարգացման գործակալության (USAID)) ստորագրում են դրամաշնորհային պայմանագիր՝ «Վրաստանի կայուն զարգացմանը նպաստելու համար»:
Ստորագրման արարողությունը տեղի կունենա Վրաստանի կառավարության վարչությունում, այսօր՝ ժամը 11:00-ին:
Արարողությունը կբացեն Վրաստանի վարչապետ Իրակլի Ղարիբաշվիլին և Վրաստանում ԱՄՆ դեսպան Քելլի Դեգնանը:
Համաձայնագիրը կստորագրեն ֆինանսների նախարար Լաշա Խուցիշվիլին և USAID-ի առաքելության տնօրեն Փիթեր Վիբլերը:
Համաձայնագրով Ամերիկայի Միացյալ Նահանգների Միջազգային զարգացման գործակալությունը (USAID) Վրաստանին կտրամադրի 67 մլն դոլլար դրամաշնորհ՝ այն 330 մլն դոլլարի հասցնելու հնարավորությամբ:
Տեղեկատվությունը տարածում է Վրաստանի վարչապետի մամուլի ծառայությունը: