Վրաստան կատարած այցի շրջանակներում Հայաստանի առողջապահության նախարարը Միխեիլ Սարջվելաձեի հետ միասին գտնվել է «Թոդուա» բազմաբնույթ մասնագիտացված կլինիկայում
Վրաստան կատարած այցի շրջանակներում Հայաստանի առողջապահության նախարարը Միխեիլ Սարջվելաձեի հետ միասին գտնվել է «Թոդուա» բազմաբնույթ մասնագիտացված կլինիկայում։
Անահիտ Ավանեսյանը տեղում ծանոթացավ բժշկական կենտրոնի աշխատանքի առանձնահատկություններին և պետական ֆինանսավորմամբ հիվանդներին տրամադրվող ծառայություններին:
Կլինիկայի գլխավոր տնօրեն Գիորգի Ծիվծիվաձեն Հայաստանից ժամանած հյուրերի հետ միասին շրջել է տարբեր բաժիններով և տեղեկատվություն տրամադրել կլինիկայում առկա ժամանակակից մոտեցումների և սարքավորումների մասին։
Առողջապահության նախարարությունից հայտնում են, որ Վրաստանի առողջապահության նախարարը Թոդուա կլինիկա կատարած այցի ընթացքում հանդիպել է նաև քաղցկեղով հիվանդների հետ, ովքեր շնորհակալություն են հայտնել նախարարին ուռուցքաբանության ոլորտում կատարված փոփոխությունների համար և նշել, որ ծառայությունները շատ ավելի հասանելի են դարձել։
Նախարարի և հայկական պատվիրակության հետ Թոդուա կլինիկայում ներկա էին նաև փոխնախարար Թեա Գիորգաձեն և Առողջապահության կոմիտեի նախագահ Զազա Լոմինաձեն։