Վրաստանի եւ Հայաստանի Հանրապետության պետական սահմանի Սադախլո-Բագրատաշենի սահմանային անցակետերում՝ Դեբեդ գետի վրա, նոր, «Բարեկամության կամրջի» շինարարությունն ավարտվել է, և կամուրջն արդեն սպասարկում է երկու երկրների քաղաքացիներին և հյուրերին։
Վրաստանի վարչապետ Իրակլի Ղարիբաշվիլին և Հայաստանի վարչապետ Նիկոլ Փաշինյանը ներկա են գտնվել նոր ճանապարհային կամրջի բացման պաշտոնական արարողությանը։
Վերակառուցման և զարգացման եվրոպական բանկի (EBRD) ֆինանսական աջակցությամբ Վրաստանն ու Հայաստանը սահմանային անցակետում նոր կամուրջը համատեղ են կառուցել։ Վերակառուցման և զարգացման եվրոպական բանկը երկու երկրներին կամրջի կառուցման համար հատկացրել է մինչև 7,4 մլն եվրո։
Վրացական կողմից շինարարությունը ղեկավարել է Վրաստանի Տարածաշրջանային զարգացման և ենթակառուցվածքների նախարարության ճանապարհային դեպարտամենտը։
Համատեղ կամուրջի կառուցումը, ըստ պաշտոնական տեղեկատվության, եզակի ծրագիր է տարածաշրջանում։ Հաշվի առնելով, որ կամրջի մի մասը գտնվում է Վրաստանի, իսկ մյուս մասը՝ Հայաստանի տարածքում, երկու պետությունները կամրջի կառուցման նախագիծը համատեղ են իրականացրել։ EBRD-ի ֆինանսավորումը նույնպես հավասարապես բաշխվել է երկու երկրների միջև։
Նոր կամուրջը 4 գոտի ունեցող 160 մետր երկարությամբ կամուրջ է՝ երկու կողմից 2,4 մ լայնությամբ հետիոտնային մայթերով։
Նոր, ժամանակակից չափանիշների և պարամետրերի կամուրջը կբարելավի ճանապարհային անվտանգության որակը ինչպես երկու երկրների քաղաքացիների և այցելուների, այնպես էլ տարանցիկ փոխադրամիջոցների համար։
Սադախլո-Բագրատաշենի անցակետի հին կամուրջը կառուցվել է 1960-ականներին, նեղ է և ամորտիզացված է։ Հին կամրջի համեմատ նոր կամրջի թողունակությունը կկրկնապատկվի, ինչը սահմանային և մաքսային արդյունավետ ծառայությունների պայմաններում էապես կավելացնի ինչպես բեռնափոխադրումները։
Նոր կամրջի նախագծին մասնակցել են միջազգային շինարարական և վերահսկող ընկերությունները: Կամուրջի շինարարությունն իրականացրել է իրանական «Tunnel Sadd Ariana» ընկերությունը, իսկ շինարարությունն վերահսկել է կորեական միջազգային ընկերությունը՝ «JV of Soosung Engineering Co., Ltd-ն և Korea Consultants International Co. ՍՊԸ-ն:
