Վրաստան է մուտք գործում ամերիկյան խոշորագույն վենչուրային կապիտալի ներդրումային հիմնադրամներից մեկը՝ Catapult VC-ը, որը մեր երկրում կհիմնի 50 միլիոնանոց հիմնադրամ՝ Catapult Georgia One,- այս մասին հայտնում է էկոնոմիկայի և կայուն զարգացման նախարարությունը։
Էկոնոմիկայի և կայուն զարգացման նախարարի խոսքով՝ հիմնադրամը գործում է Սիլիկոնյան հովտում և ֆինանսավորել է հարյուրավոր ստարտափներ։
«Catapult VC-ի որոշմամբ Վրաստանում կստեղծվի մասնավոր հիմնադրամ, որը կֆինանսավորի վրացական ստարտափները, որոնցում պետությունը ներկայացված կլինի փոքր մասնակցությամբ։ Սա ճանաչում է այն փաստի, որ մենք այնպիսի գրավիչ էկոհամակարգ ենք ստեղծել վրացական ինովացիոն ստարտափների համար, որ այնպիսի խոշոր ամերիկյան հիմնադրամներ են գալիս վրացական ստարտափները ֆինանսավորելու համար։ Սա մեր տնտեսության ուղղությունն է, որն արդեն իսկ շատ մրցունակ է, և վրացական ստարտափները գլոբալ մրցակցում են այլ ստարտափների հետ։ Սա ապագայի տնտեսությունն է, որն ավելի արագ կզարգանա»,- ասել է Նաթիա Թուրնավան։
Catapult-ը վենչուրային կապիտալի հիմնադրամ է, որը մասնագիտացած է Սիլիկոնային հովտից դուրս գտնվող տեխնիկական կենտրոններում ներդրումներ կատարելու մեջ: Հիմնադրամը 15 տարվա ընթացքում ավելի քան 220 մլն. դոլար է ներդրել ավելի քան 100 ընկերություններում:
