«Վրացական Լեգիոնը» հայտարարել է, որ լքում է  ՈՒկրաինայի զինված ուժերի 54-րդ բրիգադը: Լրատվությունն այս մասին վրացական մամուլը տարածում է «Վրացական Լեգիոնի» ֆեյսբուքյան էջին հենվելով:

«Վրացական Լեգիոնի» ֆեյսբուքյան էջում ասված է, որ որոշումը ընդունվել է դեկտեմբերի 20-ին և դրա պատճառը հրամանատարների անօրեն որոշումներն են:

«Հրամանատար Ալեքսեյ Միաստրենկոյի և նրա շրջապատի ոչիրավասու և անօրեն հրամանների պատճառով, «Վրացական Լեգիոնը» լրիվ կազմով լքել է ՈՒկրաինայի զինված ուժերի 54-րդ բրիգադի կազմը: 2017 թվականի դեկտեմբերի 16-ին իրականացրած հատուկ գործողության մասին, որի ընթացքում վիրավորվել է  «Վրացական Լեգիոնի» 11 զինվոր, կխոսենք մոտակա օրերին կայանալիք մամլո ասուլիսի ժամանակ»,- նշված է հայտարարության մեջ:

Հայտարարության համաձայն, բրիգադի ղեկավարությունը սպառնում է վիրավորներին, եթե նրանք կբարձրաձայնեն օպերացիայի մանրամասները, ապա կարտաքսվեն երկրից:

Հիշեցնենք, «Վրացական Լեգիոնը» հիմնվել է 2014 թվականին: