Դիդուբե-Ավճալա խաչմերուկում՝ Քսանի փողոցի հարակից հատվածում, այսօր՝ լուսադեմին, զառիվայրից քար է ընկել։ Միջադեպի հետեւանքով ժամանակավորապես ընդհատվել է Բաթումի-Թբիլիսի, Թբիլիսի-Բորժոմի եւ Թբիլիսի-Բաթումի գնացքների երթեւեկությունը։ Վերոնշյալի մասին հայտարարությունը տարածում է Վրաստանի երկաթուղիները։

Ինչպես նշվում է հաղորդագրության մեջ, Վրացական երկաթուղու համապատասխան ծառայությունների կողմից օպերատիվ կերպով մաքրվել է մեկ գիծ և գնացքների շարժը ժամանակին վերականգնվել է։ Այս փուլում ընթանում են երկրորդ ուղղության երթուղու մաքրման աշխատանքները։

«Աշխատանքներն ավարտվելուն պես՝ հաշվի առնելով անվտանգության բոլոր կանոնները, երկրորդ գծով երթեւեկությունը կվերականգնվի սովորական ռեժիմով։ Միաժամանակ համապատասխան մասնագետների կողմից ստուգվում և ուսումնասիրվում է քարերի գտնվելու վայրը»,- ասված է հաղորդագրությունում։