«Վրացական երազանքն» արդեն ունի կառավարություն ձևավորելու համար անհրաժեշտ 76 մանդատ, ունենք հաստատված սպասելիքներ, որ մանդատները կդառնան 92. Իրակլի Կոբախիձե
«Վրացական երազանքն» արդեն ունի կառավարություն ձևավորելու համար անհրաժեշտ 76 մանդատ, ունենք հաստատված սպասելիքներ, որ մանդատները կդառնան 92,- այս մասին «Վրացական երազանքի» գործադիր քարտուղար, Իրակլի Կոբախիձեն հայտարարել է այսօր կայացած ճեպարզրույցի ժամանակ:
Նրա խոսքով, հաշված տվյալների համաձայն, «Վրացական երազանքն» արդեն ունի 76 մանդատ, ինչը նշանակում է, որ «Վրացական երազանքը» առաջին փուլում ձեռք է բերել համոզիչ մեծամասնություն:
«Արդեն հաշվել են ավելի քան 7 հազար տեղամասերի տվյալներ: Այս տվյալների համաձայն, «Վրացական երազանքի» արդյունքն այս փուլում կազմում է 48,36 տոկոս: Սա նշանակում է, որ համամասնական ընտրակարգով, բացառությամբ այն կուսակցությունների, որոնք չեն կարողացել հաղթահարել անցողիկ շեմը, «Վրացական երազանքի» արդյունքը կլիներ 52 տոկոս, միայն համամասնական ընտրակարգով, ինչը ուշագրավ է: Ինչ վերաբերում է բանաձևին, համամասնական ընտրակարգով, այս տվյալներով որը հրապարակված է ԿԸՀ-ի կայքում, դրանք ավելի քան երեք հազար տեղամասերի տվյալներ են, որոնք դժվար թե փոխվեն, «Վրացական երազանքը» ստացել է 62 մանդատ:
Բացի այդ, հաշված է արդեն մեծամասնական ընտրակարգով առաջադրված թեկնածուների տվյալները և այս տվյալներով արդեն կարելի է ասել, որ մեծամասնական ընտրություններում վճռականորեն հաղթել են առնվազն 24 թեկնածու: Այլ դեպքերում հաշվարկը շարունակվում է: Կան դեպքեր, երբ երկրորդ փուլն արդեն երաշխավորված է, սակայն կան դեպքեր, երբ հնարավոր է ընտրություններն ավարտել առաջին փուլում: Պարզ թվաբանությամբ մենք կարող ենք պարզել, որ «Վրացական երազանքն» ունի հաշվարկված տվյալներով արդեն երաշխավորված 76 տեղ: Սա նշանակում է, որ «Վրացական երազանքն» առաջին փուլում արդեն համոզիչ մեծամասնություն է ստացել, ուստի, «Վրացական երազանքը» Վրաստանի խորհրդարանի առաջին նիստը գումարելուն պես, կազմելու է միակուսակցական կառավարություն: Մնացել է 16 չբաշխված մանդատ, և տեսնում եք, որ այդ մանդատները պատկանում են Վրացական երազանքին: Մենք վստահ ենք բոլոր 16 ընտրատարածքներում համոզիչ հաղթանակի մեջ: Մեր ողջամիտ սպասումն այն է, որ «Վրացական երազանքի» տեղերի քանակը խորհրդարանում կավելանա ՝ դառնալով 92: Սա գործնականում երաշխավորված է»,- հայտարարել է Կոբախիձեն: