«Վրացական երազանք»-ի կողմից ներկայացված Վրաստանի խորհրդարանի՝ Եվրամիությանը ինտեգրման վերաբերյալ բանաձևի նախագիծը կոչ է անում Վրաստանի գործադիր իշխանություններին ակտիվացնել ջանքերը Վրաստանի Եվրամիությանը ինտեգրելու և Վրաստանի և Եվրամիության միջև Ասոցացման համաձայնագրի իրագործման համար՝ Վրաստանի Եվրամիությանը անդամակցելու պատշաճ կերպով նախապատրաստելու համար:

Միևնույն ժամանակ, Եվրամիության անդամ երկրներին և Եվրամիության կառույցներին կոչ է արվում ձեռնարկել բոլոր անհրաժեշտ քայլերը՝ Եվրամիության պայմանագրի 49-րդ հոդվածի համաձայն՝ արագացնելու Վրաստանի անդամակցությունը Եվրամիությանը:

Վրաստանի խորհրդարանի բանաձևի տեքստն առաջարկվում է անփոփոխ.

«Հիմք ընդունելով Վրաստանի Սահմանադրությունը, միջազգային պայմանագրերը, օրենսդրական և ենթաօրենսդրական նորմատիվ ակտերը, այդ թվում՝ «Վրաստանի արտաքին քաղաքականության հիմնական ուղղությունների մասին» 2013 թվականի մարտի 7-ի, «Վրաստանի արտաքին քաղաքականության մասին» 2016 թվականի դեկտեմբերի 29-ի և 2020 թվականի դեկտեմբերի 29-ի Վրաստանի խորհրդարանի բանաձևերը.

Ղեկավարվելով Վրաստանի քաղաքացիների՝ եվրոպական և եվրատլանտյան կառույցներին ինտեգրվելու անկոտրում կամքով՝ Վրաստանի Սահմանադրության 78-րդ հոդվածում ամրագրված պատմական ընտրությամբ, որը նախատեսում է «բոլոր անհրաժեշտ քայլերը՝ ապահովելու Վրաստանի լիարժեք ինտեգրումը Եվրամիությանը և Հյուսիսատլանտյան պայմանագրի կազմակերպությանը».

Նկատի ունենալով Վրաստանի քաղաքացիների ձգտումը՝ Վրաստանը, որպես եվրոպական քաղաքակրթության անբաժանելի մաս և եվրոպական արժեքների կրող, դառնա Եվրոպական միության լիիրավ անդամ.

Հայտարարում է, որ անկախության վերականգնումից ի վեր Եվրամիությանը ինտեգրումը եղել է Վրաստանի ժողովրդավարական զարգացման և տնտեսական վերափոխման շարժիչ ուժը և արտաքին քաղաքականության առաջնահերթությունը.

Ողջունում է Վրաստանի կողմից 2014 թվականին Վրաստանի և Եվրամիության միջև Ասոցացման համաձայնագրի ստորագրումից հետո Եվրամիության հանդեպ ստանձնած պարտավորությունների կատարման հարցում Վրաստանի ձեռք բերած զգալի առաջընթացը և նշում, որ Վրաստանը մնում է Եվրամիության հավատարիմ դաշնակիցը և տարածաշրջանում ժողովրդավարության հենասյունը.

Նշում է, որ Վրաստանի և Եվրամիության միջև Ասոցացման համաձայնագրի իրականացումը, իր խորը և համապարփակ ազատ առևտրի գոտու բաղադրիչով, կարևոր հիմք է երկրում բարգավաճման և կայունության, ինչպես նաև Եվրամիությանը լիարժեք ինտեգրման համար.

Կոչ է անում Վրաստանի գործադիր իշխանություններին ակտիվացնել իր ջանքերը Վրաստանի եվրաինտեգրման ուղղությամբ և իրականացնել Վրաստանի և Եվրամիության միջև Ասոցացման համաձայնագիրը՝ Վրաստանի Եվրամիության անդամակցությանը պատշաճ կերպով նախապատրաստելու համար.

Կոչ է անում Վրաստանի գործադիր իշխանություններին ակտիվորեն ներգրավվել Եվրամիության և գործընկեր երկրների հետ՝ Վրաստան-Եվրամիություն տրանսպորտային կապերի խորացման, ինչպես նաև Վրաստանի և նրա գործընկեր երկրների միջև նախագծերի իրականացման գործում, ներառյալ Սևծովյան երկրների միջև տրանսպորտային կապերի զարգացումը, հաշվի առնելով Վրաստանի աշխարհագրական դիրքը.

Ողջունում է 2017 թվականին Եվրամիության հետ վիզային ռեժիմի ազատականացման ներդրումը և Վրաստանի քաղաքացիների՝ առանց վիզայի Շենգենյան տարածք մեկնելու հնարավորությունը, կոչ է անում Վրաստանի իշխանություններին շարունակել ակտիվ համագործակցությունը Եվրամիության/Շենգենյան տարածքում օրինական աշխատատեղեր ստեղծելու հարցում:

Կոչ է անում Վրաստանի գործադիր իշխանություններին և Եվրամիությանը մեծացնել Վրաստանի մասնակցությունը Եվրամիության ծրագրերին և գործակալություններին, ինչպես նաև արագացնել Վրաստանի ինտեգրումը Եվրամիության տնտեսական միասնական տարածքում:

Կոչ է անում Եվրամիության բարձր մակարդակով ներգրավվել Վրաստանի տարածքային ամբողջականության և ինքնիշխանության ամրապնդման, ինչպես նաև Վրաստանում և տարածաշրջանում խաղաղության և կայունության հաստատման գործում, ինչպես նաև ակտիվացնել իր ջանքերը՝ վերահսկելու 2008 թվականի օգոստոսի 12-ի զինադադարի ամբողջական կատարումը.

Կոչ է անում Եվրամիությանը երաշխավորել, որ 2020 թվականի դեկտեմբերի 7-ին Եվրամիության Արտաքին հարաբերությունների խորհրդի կողմից ընդունված որոշումը Վրաստանի օկուպացված տարածքներում մարդու իրավունքների ոտնահարման դեմ Եվրամիության գլոբալ պատժամիջոցների սահմանման վերաբերյալ տարածվի օկուպացված տարածքներում մարդու իրավունքների խախտման համար պատասխանատու անձանց վրա.

Կոչ է անում Եվրամիության անդամ երկրներին և Եվրամիության կառույցներին ձեռնարկել բոլոր անհրաժեշտ քայլերը՝ արագացնելու Վրաստանի անդամակցությունը Եվրամիությանը՝ համաձայն Եվրամիության պայմանագրի 49-րդ հոդվածի՝ եվրոպական հեռանկարին համահունչ»,- ասվում է բանաձևում։