«Վրացական երազանքը», որպես կառուցողական քաղաքական ուժ, կանի հնարավորը երկխոսությունը հաջող ավարտին հասցնելու համար. Իրակլի Կոբախիձե
«Վրացական երազանքը», որպես կառուցողական քաղաքական ուժ, կանի հնարավորը երկխոսությունը հաջող ավարտին հասցնելու համար, – այս մասին Շառլ Միշելի հատուկ ներկայացուցիչ, Քրիստիան Դանիելսոնի հետ հանդիպումից հետո, հայտարարել է «Վրացական երազանք» կուսակցության նախագահ Իրակլի Կոբախիձեն:
Նա շնորհակալություն հայտնեց Եվրոպական խորհրդի նախագահի ներկայացուցչին, Վրաստան կատարած այցի համար:
«Շատ հետաքրքիր հանդիպում էր: Նախ ուզում եմ շնորհակալություն հայտնել Եվրամիությանը, Շառլ Միշելին և պարոն Քրիստիան Դանիելսոնին Վրաստան ժամանելու համար: Մենք գիտենք, որ դրա նպատակն է նպաստել երկխոսության հաջող ավարտին: Մենք մեծ հույս ունենք, որ այս երկխոսությունը հաջող կավարտվի: «Վրացական երազանքը», որպես կառուցողական քաղաքական ուժ և իշխող կուսակցություն, գիտակցելով իր առանձնահատուկ պատասխանատվությունը հասարակության և միջազգային գործընկերների առջև, կանի հնարավորը, հաջող երկխոսություն ապահովելու համար:
Երկխոսության մանրամասների վերաբերյալ մեր կողմից որևէ հայտարարություն չի կարող արվել: Երկխոսությունը կշարունակվի առաջիկա օրերին, և այս գործընթացի ավարտից հետո մենք կկարողանանք մեկնաբանություններ անել», – ասել է Կոբախիձեն: