«Վրացական երազանքը» առաջադրել է ապրիլի 29-ին կայանալիք միջանկյալ ընտրությունների թեկնածուներին
«Վրացական երազանքը» ներկայացրել է Փոթիի, Խոբիի և Սենակիի ընտրատարածքներում մեծամասնական ընտրակարգով պատգամավորի միջանկյալ, ինչպես նաև Ցագերիի և Թերջոլայի համայնքների քաղաքապետերի միջանկյալ ընտրությունների թեկնածուներ։
Ինչպես նշել է «Վրացական երազանքի» նախագահ Իրակլի Կոբախիձեն, ԿԸՀ որոշմամբ ընտրությունները կկայանան ապրիլի 29-ին։
«Այսօր տեղի է ունեցել կուսակցության քաղխորհրդի նիստ, որում որոշում է կայացվել նշված ընտրատարածքներում թեկնածուներ առաջադրելու մասին։ Քաղխորհրդի որոշմամբ կուսակցությունը կներկայացնի Գիորգի Խախուբիայի թեկնածությունը որպես խորհրդարանի մեծամասնական պատգամավոր Փոթիի, Սենակիի եւ Խոբիի ընտրատարածքներում։ Նախ ուզում ենք անպայման նշել, որ Գիորգին մեր գործընկերոջ՝ Իրակլի Խախուբիայի որդին է։ Բնականաբար, Իրակլիի անունը և նրա ստեղծած հեղինակությունը Փոթիում, Խոբում և Սենակում կօգնեն Գիորգիին հաղթել ընտրություններում։ Սակայն, միեւնույն ժամանակ, ինքը՝ Գիորգին, առանձնանում է իր անձնական որակներով, կրթությամբ ու մասնագիտական փորձով, ինչի շնորհիվ կուսակցության քաղխորհուրդը նրան համարել է լավագույն թեկնածու։ Գիորգին կրթությունն ստացել է Կովկասի համալսարանում՝ բիզնեսի կառավարում մասնագիտությամբ։ Չնայած երիտասարդ տարիքին, նա աշխատանքային հարուստ փորձ ունի։ Տարբեր ժամանակներում եղել է ԱԻ համակարգման և շտապ օգնության կենտրոնի վարչական բաժնի վարիչ, Վրաստանի գազատրանսպորտային ընկերության ֆինանսական բաժնի վարիչ, հետագայում՝ նույն ընկերության գլխավոր տնօրենի տեղակալ։ Հաջողություն ենք մաղթում Գիորգի Խախուբիային։ Մենք վստահ ենք նրա հաղթանակին։
Կուսակցության քաղխորհրդի որոշմամբ՝ ներկայացնում ենք Լեւան Զալկալիանիի թեկնածությունը Ցագերիի քաղաքապետարանի քաղաքապետի պաշտոնում։ Լևանը հաջողակ իրավաբան է և պետական ծառայող։ Իրավաբանական կրթությունը ստացել է Թբիլիսիի պետական համալսարանում։ Լեւանը տարբեր ժամանակներում դատախազությունում աշխատել է որպես քննիչ եւ դատախազ, այդ թվում՝ 11 տարի Ամբրոլաուրիի շրջանային դատախազ։ Լեւանին տրվել է արդարադատության ավագ խորհրդականի կոչում:
Քաղաքական խորհրդի որոշմամբ Ձեզ ենք ներկայացնում Մանուչար Ռոբաքիձեի թեկնածությունը Թերջոլայի քաղաքապետարանի քաղաքապետի պաշտոնում։ Մանուչարը մասնագիտությամբ պատմաբան է։ Ավարտել է Իոանե Պետրիծու անվան համալսարանի պատմության ֆակուլտետը։ Տարբեր ժամանակներում եղել է քաղաքային խորհրդի անդամ, աշխատել է տարբեր ղեկավար պաշտոններում մասնավոր ընկերություններում։ Մաղթում ենք Մանուչարին հաջողություններ և ընտրվել Թերջոլայի քաղաքապետի պաշտոնում։
Հաջողություն ենք մաղթում մեր երեք թեկնածուներին։ Մենք վստահ ենք, որ նրանք ձեռք կբերեն ընտրողների վստահությունը և վստահաբար կհաղթեն ընտրություններում»,- ասել է Իրակլի Կոբախիձեն։
