«Վրացական երազանք» - Կառավարությունը գործում է ազգային շահերի թելադրանքով և երբեք չի գնա զիջումների այդ շահերի հաշվին, անսասան կերպով կպաշտպանի հայրենիքը, եկեղեցին և ազգային արժեքները
Վրաստանն այսօր անկախ և ինքնիշխան է, ինչպես երբեք, և ոչ ոք չի կարող թելադրել կառավարությանը և ստիպել նրան ձեռնարկել քայլեր, որոնք ուղղված կլինեն մեր երկրի շահերի դեմ,- ասվում է «Վրացական երազանքի» քաղաքական խորհրդի հայտարարության մեջ։
Ինչպես նշվում է հայտարարության մեջ, «Վրացական երազանքի» կառավարությունը գործում է Վրաստանի ազգային շահերին համապատասխան և երբեք չի զիջելու այդ շահերի հարցում և շարունակելու է անսասանորեն պաշտպանել հայրենիքը, եկեղեցին և ազգային արժեքները։
«2012 թվականից ի վեր պետության մոտեցումը սոցիալական քաղաքականությանը հիմնարար կերպով փոխվել է։ Ներդրվել է համընդհանուր առողջապահական ծրագիր, զգալիորեն ընդլայնվել են սոցիալապես անապահով բնակչության համար նախատեսված սոցիալական օգնության փաթեթները, և վերացվել է քաղաքական շահերի հիման վրա սոցիալական օգնությունը բաշխելու պրակտիկան»։
Վրաստանը եվրաինտեգրման իր ճանապարհին հասել է բոլոր շոշափելի առաջընթացին «Վրացական երազանքի» կառավարության օրոք։ Հենց 2012 թվականից հետո երկիրը ստորագրեց Ասոցացման համաձայնագիրը և Ազատ առևտրի համաձայնագիրը և ստացավ առանց վիզայի ճանապարհորդության ռեժիմ։ Պայքարի միջոցով մենք նաև ստացանք թեկնածուի կարգավիճակ, որը Վրաստանի չարախնդողները և նրանց թելադրանքով գործող եվրոպական բյուրոկրատիան համարում էին Վրաստանի դեմ շանտաժի գործիք։ Չնայած եվրոպական բյուրոկրատիան դեռևս զբաղված է Վրաստանին շանտաժի ենթարկելով և ոչ ժողովրդավարական ուժերին իշխանության վերադարձնելու փորձերով, մենք հանրությանը խոստանում ենք, որ մեր քաղաքական թիմը արժանապատվորեն կդիմադրի բոլոր մարտահրավերներին, և Վրաստանը մինչև 2030 թվականը հայտարարված ԵՄ ընդլայնմանը կդիմավորի ավելի լավ պատրաստված, քան բոլոր թեկնածու երկրները։ Մենք հույս ունենք, որ մինչ այդ Բրյուսելի ներկայիս բյուրոկրատիան նույնպես կփոխարինվի արժանապատիվ, անկախ և Եվրամիության ու Եվրոպայի ապագայի վրա կենտրոնացած քաղաքական վերնախավով։
Վրաստանն այսօր անկախ և ինքնիշխան է, ինչպես երբեք։ Ոչ ոք չի կարող կառավարությանը թելադրել և ստիպել նրան ձեռնարկել քայլեր, որոնք կհակասեն մեր երկրի շահերին։ «Վրացական երազանքի» կառավարությունը գործում է Վրաստանի ազգային շահերի թելադրանքով և երբեք չի գնա զիջումների այդ շահերի հաշվին և կշարունակի անսասանորեն պաշտպանել հայրենիքը, եկեղեցին և ազգային արժեքները», – նշվում է հայտարարության մեջ։
