Այսօր վրացական պետությունը ինքնիշխան է ինչպես երբեք։ Պետական ​​ինքնիշխանության ամրապնդման արդյունքն է, որ «Վրացական երազանքի» իշխանությունն առաջինն է Վրաստանի մոտ 30-ամյա պատմության մեջ, որի իշխանության օրոք երկիրը պատերազմ չի ունեցել,– նշվում է «Վրացական երազանք» կուսակցության հայտարարության մեջ:

«Ուղիղ 10 տարի առաջ՝ 2012 թվականի հոկտեմբերի 1-ին, վրաց ժողովուրդն ապացուցեց, որ պետական ​​ինքնիշխանությունը, ժողովրդավարությունը, մարդու հիմնական իրավունքները, արժանապատվությունը, ազատությունը, հավասարությունը, համերաշխությունը, իսկական եվրոպական արժեքները, հայրենիքի սերը և եկեղեցու հանդեպ հարգանքը ամենաարժեքավորն են։

Ուղիղ 10 տարի առաջ վրաց ժողովուրդը Բիձինա Իվանիշվիլիի գլխավորությամբ հաղթեց հանցավոր ավտորիտար ռեժիմին, որը պայքարում ու ոտնահարում էր վերը նշված բոլոր արժեքները։

Այսօր վրացական պետությունը ինքնիշխան է ինչպես երբեք։ Պետական ​​ինքնիշխանության ամրապնդման արդյունքն է, որ «Վրացական երազանքի» իշխանությունն առաջինն է Վրաստանի մոտ 30-ամյա պատմության մեջ, որի պայմաններում երկիրը պատերազմ չի ունեցել։

Երկրում խաղաղության պահպանումը, տնտեսության զարգացումը և բնակչության բարեկեցության որակի բարձրացումը, մարդու արժանապատվության, ազատության և իրավահավասարության ամուր պաշտպանությունը, հայրենիքի և եկեղեցու հզորության մասին հոգալն այն հիմնական սկզբունքներն են, որոնց վրա «Վրացական երազանք»-ը հիմնվելու է նաև ապագայում։

Այսօր Վրաստանը կանգնած է հսկայական մարտահրավերների առաջ: Սակայն մենք խորապես հավատում ենք, որ վրաց ժողովրդի աջակցությամբ մենք արժանապատվորեն կհաղթահարենք բոլոր դժվարությունները։

Վրաստանը միավորելը և յուրաքանչյուր ընտանիք բարեկեցություն բերելը երազանքն է, որի շուրջ ստեղծվել է մեր քաղաքական շարժումը։ Մենք հավատում ենք, որ յուրաքանչյուր հայրենասեր վրացու այս երազանքը անշուշտ կիրականանա շատ շուտով»,- ասված է հայտարարության մեջ։