Սահմանափակ կարողություններ ունեցող անձանց միջազգային օրվա առթիվ, Դավիթ Ջոջուայի շախմատի դպրոցի կողմից անց է կացվել «Շախմատը բոլորի համար» գրքի առցանց շնորհանդեսը: Ինչպես ասում են հեղինակները, Վրաստանում Բրայլի այբուբենով շախմատի դասագիրքը տպագրվել է առաջին անգամ:

Հեղինակների, միջազգային գրոսմայստերներ Սալոմե Մելիայի և Դավիթ Ջոջուայի խոսքով, սահմանափակ կարողություններ ունեցող անձանց համար հատկացված շախմատի դասագիրքը կփոխանցվի Վրաստանի բոլոր խոշոր քաղաքների գրադարաններին, կույրերի միությանը և այն կազմակերպություններին, որտեղ կլինի դրա պահանջը:

Բացի Բրայլի այբուբենի, դասագիրքը տպագրվել է մխեդրուլի տառատեսակով, որը ընդունելի է ցանկացած տարիքի կամ կարգավիճակի ընթերցողների համար:

Գրքի գրախոսներն են աշխարհի հնգակի չեմպիոն Մայա Չիբուրդանիձեն և պրոֆեսոր Վեփխվիա Օդիշարիան: