Ուկրաինայի Գլխավոր շտաբ. Օկուպացիոն ուժերը շարունակում են օդային հարվածները Մարիուպոլի վրա և հարձակողական գործողություններ են իրականացնում Դոնբասում
Ռուսական օկուպացիոն ուժերը շարունակում են ավիահարվածներ հասցնել Մարիուպոլին և հարձակողական գործողություններ իրականացնել Դոնբասում, ասվում է Ուկրաինայի զինված ուժերի գլխավոր շտաբի օպերատիվ տեղեկատվության մեջ։
«Հակառակորդը շարունակել է օդային հարվածները Մարիուպոլի վրա։ Նրանց հիմնական ջանքերն ուղղված էին «Ազովստալ» գործարանի տարածքում մեր զինված ուժերի ստորաբաժանումների արգելափակմանը։ Նաև ռուսական զորքերի ստորաբաժանումները Մարիուպոլից տեղափոխվել են Կուրախովսկի»,- հայտնել են Գլխավոր շտաբից։
Միաժամանակ, ըստ Գլխավոր շտաբի, Կուրախովսկու ուղղությամբ օկուպանտների խումբն ուժեղացվել է Առաջին բանակային կորպուսի լրացուցիչ հրետանային ստորաբաժանումներով։
«Հակառակորդը շարունակում է օդային և հրթիռային հարվածներ հասցնել քաղաքացիական ենթակառուցվածքները ոչնչացնելու և մեր զորքերի նյութատեխնիկական ապահովման համակարգը խաթարելու համար։ Ուկրաինայի ՊԲ ստորաբաժանումները հայտնաբերելու համար հակառակորդը օդային հետախուզություն է իրականացրել՝ օգտագործելով անօդաչու թռչող սարքեր։ Օկուպանտները շարունակում են Ռուբեժնոյե և Պոպասնե բնակավայրերի նկատմամբ լիակատար վերահսկողություն սահմանելու փորձերը և նախապատրաստական միջոցներ ձեռնարկել դեպի Սևերոդոնեցկի առաջխաղացման համար։ Հակառակորդը շարունակում է հրետանային ռմբակոծել մեր զորքերը»,- ասվում է հաղորդագրության մեջ։
Գլխավոր շտաբի տվյալներով՝ ընդհանուր առմամբ, օկուպանտները շարունակում են հարձակողական գործողությունները Արևելյան օպերատիվ գոտում՝ Դոնեցկի և Լուգանսկի շրջանների տարածքների նկատմամբ լիակատար վերահսկողություն հաստատելու և ժամանակավորապես օկուպացված Ղրիմի հետ ցամաքային միջանցքը պահպանելու համար։