Ոստիկանության Թբիլիսիի գլխավոր վարչության ծառայողները դատավորի որոշմամբ բերման են ենթարկել 1987 թվականին ծնված Շ.Ս.-ին՝ ֆինանսական շահի համար համակարգչային տվյալների և/կամ համակարգչային համակարգի կեղծման մեղադրանքով: Տեղեկությունը տարածում է ՆԳՆ-ն։

Ըստ գերատեսչության՝ քննությամբ պարզվել է, որ Շ.Ս.-ն այս տարվա հունվար-փետրվար ամիսներին Թբիլիսիի տարբեր հասցեներում գտնվող բանկերից մեկին պատկանող էքսպրես-փոխանցման սարքի մոտ զննել և մտապահել է քաղաքացիների կողմից օգտագործվող պլաստիկ քարտի PIN կոդերը։

«Այնուհետև մեղադրյալն օգտագործել է քաղաքացիների հաշիվներից մնացած միջոցները՝ առցանց կազինո և տոտալիզատորների հաշիվներին է փոխանցելու համար, օգտվելով բաց թողնված գրանցման էջից, և գումարը հանել է հատուկ «Զրո» քարտի միջոցով։

Շ.Ս.-ի հանցավոր արարքներից տուժած 14 քաղաքացու պատճառվել է 5 227 լարիի գույքային վնաս։ Ֆինանսական շահի նպատակով համակարգչային տվյալների և/կամ համակարգչային համակարգի խարդախությամբ կիրառման փաստի առթիվ հետաքննություն է իրականացվում՝ Վրաստանի քրեական օրենսգրքի 286-րդ պրիմա հոդվածի 2-րդ մասի «բ» ենթակետով։

Հանցագործությունը նախատեսում է ազատազրկում՝ 5-ից 7 տարի ժամկետով»,- ասվում է ՆԳՆ-ում։