Ներքին գործերի նախարարության Քվեմո Քարթլիի ոստիկանության վարչության Ռուսթավի քաղաքային բաժնի աշխատակիցները, ձեռնարկված թեժ հետապնդման և քննչական գործողությունների արդյունքում, ձերբակալել են սպանության փորձի և բռնության համար նախկինում դատապարտված երկու անձի՝ 1977 թվականին ծնված Զ.Է.-ին և 1991 թվականին ծնված Ն.Ն.-ին: Այս մասին հայտնում է Ներքին գործերի նախարարությունը:

Գերատեսչության հաղորդմամբ, հանցագործությունը պատժվում է մինչև 15 տարի ազատազրկմամբ:

«Քննությունը պարզել է, որ Ռուսթավիում բնակելի տան շուրջ վեճի ժամանակ մեղադրյալները նախ ֆիզիկական հարձակում են գործել 1976 թվականին ծնված Թ.Կ.-ի վրա, որի ընթացքում նրանցից մեկը՝ Զ.Է.-ն, սառը զենքով վնասվածքներ է պատճառել որովայնին և ոտքին, ապա փախել է դեպքի վայրից։

Իրավապահ մարմինների աշխատակիցները միջադեպից կարճ ժամանակ անց ձերբակալել են Զ.Է.-ին և Ն.Ն.-ին որպես մեղադրյալներ։ Վիրավորը տեղափոխվել է կլինիկա՝ համապատասխան բժշկական օգնություն ստանալու համար։

Քննությունը շարունակվում է Վրաստանի քրեական օրենսգրքի 19-108 և 126 հոդվածներով», – ասվում է ՆԳ նախարարության հաղորդագրության մեջ։