ՆԳՆ Իմերեթիի, Ռաճա-Լեչխումիի և Քվեմո Սվանեթիի ոստիկանության բաժանմունքների և նույն վարչության ճիաթուրայի շրջանային բաժնի աշխատակիցները համատեղ օպերատիվ միջոցառումների և քննչական գործողությունների արդյունքում ձերբակալել են նախկինում դատապարտված երեք անձի:

Գերատեսչության տվյալներով՝ խմբակային շորթման մեղադրանքով ձերբակալված են «քրեական հեղինակություններ»՝ 1994 թվականին ծնված Կ.Կ.-ն, ինչպես նաեւ երկու տարբեր «օրենքով գողերի» ընտանիքի անդամները՝ 1978 թվականին ծնված Մ.Ա.-ն (մականունը՝ «Թեոֆիլիչի») և 1968 թվականին ծնված Բ.Դ.-ն (մականունը՝ «Գրիշիչ»)։

«Քննությամբ պարզվել է, որ ամբաստանյալները նախկինում առաջացած տարաձայնությունների հիման վրա 1997 թվականին ծնված Գ.Ն.-ից պահանջել են կոնկրետ գումար։ Նաեւ ամբաստանյալներից Մ.Ա.-ի հանձնարարությամբ Բ.Դ.-ն եւ Կ.Կ.-ն հանդիպել են նշված անձին, իսկ Մ.Ա.-ն նույն անձին կապ է հաստատել բջջային հեռախոսով։ Ամբաստանյալները նրանից պահանջել են 1000 ԱՄՆ դոլար վճարել, հակառակ դեպքում սպառնացել են վնասել առողջությունն ու կյանքը։ Իրավապահները, ձեռնարկված ինտենսիվ քննչական գործողությունների և հատուկ օպերատիվ միջոցառման արդյունքում, բոլոր երեք անձանց ձերբակալել են Իմերեթիի իրենց տներում»,- ասվում է ՆԳՆ տեղեկատվության մեջ։

Հետաքննությունն անցկացվում է Վրաստանի քրեական օրենսգրքի 181-րդ հոդվածի 2-րդ մասի «Ա» ենթակետով, որը վերաբերում է խմբակային շորթմանը։ Հանցագործությունները պատժվում են մինչև 7 տարի ազատազրկմամբ։