Կախեթիի ոստիկանությունը Թելավիի մունիցիպալիտետում սպանության և վիրավորելու համար հետախուզվող անձի է ձերբակալել։ Տեղեկությունը տարածում է ՆԳՆ-ն։

ՆԳՆ Կախեթիի ոստիկանության բաժանմունքի աշխատակիցները Քվեմո Քարթլիի ոստիկանության բաժանմունքի հետ համատեղ ձեռնարկած օպերատիվ-հետախուզական միջոցառումների և քննչական գործողությունների արդյունքում բերման են ենթարկել 1970 թվականին ծնված Ի.Գ.-ին, ով նախկինում տարբեր հանցագործությունների համար դատապարտված է եղել, ով հետախուզվում էր ծանրացուցիչ հանգամանքներում մի քանի անձի նկատմամբ դիտավորյալ սպանության փորձի համար:

Ըստ ՆԳՆ-ի, քննությամբ պարզվել է, որ այս տարվա մայիսի 21-ին Թելավիի քաղաքապետարանի Ակուրա գյուղում մեղադրյալը վիճաբանել է համագյուղացի եղբայրների՝ 1976 թվականին ծնված Կ.Մ.-ի և 1986 թվականին ծնված Բ.Մ.-ի հետ, ինչպես նաև նրանց մոր, 1954 թվականին ծնված Է.Մ.-ի հետ և սեփական որդուն՝ 1993 թվականին ծնված Գ.Գ.-ին, որսորդական հրացանով հասցրել է բազմակի վնասվածքներ և դեպքի վայրից դիմել փախուստի։ Ստացված վնասվածքների հետեւանքով Կ.Մ.-ն դեպքի վայրում մահացել է, իսկ վիրավորները տեղափոխվել են հիվանդանոց, որտեղ նրանց ցուցաբերվել է համապատասխան բուժում։

Ռուսթավիում իրավապահները օպերատիվ-հետախուզական միջոցառումների արդյունքում բերման են ենթարկել մեղադրյալին։ Ծանրացուցիչ հանգամանքներում կատարված դիտավորյալ սպանության փորձի փաստով հետաքննություն է ընթանում Վրաստանի քրեական օրենսգրքի 19-109-րդ հոդվածով։ Հանցագործությունը նախատեսում է ազատազրկում՝ 16-ից 20 տարի ժամկետով կամ ցմահ ազատազրկում»,- ասված է հաղորդագրությունում։