Ներքին գործերի նախարարության Շիդա Քարթլիի ոստիկանության վարչության աշխատակիցները բերման են ենթարկել նախկինում դատապարտված երկու անձի՝ 2005 թվականին ծնված Գ.Թ.-ին և 2003 թվականին ծնված Մ.Ն.-ին՝ խմբակային կողոպուտի մեղադրանքով:

Նախարարության տվյալներով՝ հանցագործությունը պատժվում է վեցից ինը տարի ազատազրկմամբ։

«Քննությամբ պարզվել է, որ մեղադրյալը այս տարվա հունիսի 8-ի գիշերը թալանել է Գորիի «Libre» սուպերմարկետների ցանցի մասնաճյուղը։ Հարձակվողները ֆիզիկական ոտնձգություն են կատարել սուպերմարկետի գանձապահի և խորհրդատուի վրա, սպառնացել սպանել սառը զենքով, ապա սուպերմարկետից հափշտակել սեյֆը, որի մեջ դրված էր 815 լարի։

Ձեռնարկված օպերատիվ-հետախուզական միջոցառումների եւ քննչական գործողությունների արդյունքում ոստիկանները երկու մեղադրյալներին էլ բերման են ենթարկել։

Խմբի կողմից կատարված ավազակային հարձակման փաստով հետաքննությունը շարունակվում է Վրաստանի քրեական օրենսգրքի 179-րդ հոդվածի 2-րդ մասի «բ» ենթակետով»,- ասված է հաղորդագրությունում։