Ուկրաինայի նախագահ Վոլոդիմիր Զելենսկին հայտարարել է, որ պատրաստ չէ կռվի հրավիրել օտարերկրյա զինվորներին։

Զելենսկու խոսքով՝ իրենք կարող են պարզապես վերապատրաստել ուկրաինացի զինվորականներին կամ օգնել նրանց վերանորոգել սարքավորումները։

«Այստեղ մարզե՛ք մեր մարտիկներին: Կարծում եմ, որ դա ավելի արագ է, քան նրանց այլ երկրներ ուղարկելը և այնուհետև վերանորոգման հանգույցներ ստեղծելը, որպեսզի մենք կարողանանք վերանորոգել արևմտյան սարքավորումները, որոնք վնասվել են պատերազմի ժամանակ այստեղ և ժամանակ չկորցնել՝ դրանք այլ երկրներ ուղարկելու համար»,- ասում է Զելենսկին։

Զելենսկին նաև նշել է, որ պատճառ չի տեսնում, թե ինչու պետք է հրաժարվի սահմանային առաքելությունից։

«Մակրոնն ինձ առաջարկեց նաեւ սահմանի հետ կապված նախաձեռնություն։ Ինչպե՞ս կարող եմ դրան ոչ ասել: Եթե ​​նրանք դա անեն և գան մեր սահման, մենք միայն երախտապարտ կլինենք»,- ասել է Զելենսկին։