Ուկրաինայի նախագահ Վոլոդիմիր Զելենսկու խոսքով՝ ուկրաինական բանակը կարող է անակնկալներ մատուցել։

Այս մասին նա ասել է զինվորականների համար նախատեսված բջջային հավելվածի շնորհանդեսի ժամանակ։

Զելենսկու խոսքով՝ ուկրաինական բանակը կարող է զարմացնել և արդյունքի հասնել։

«Բոլորը տեսնում են, որ ուկրաինական բանակը կարող է զարմացնել, գիտի, թե ինչպես հասնել արդյունքի։ Դա ցույց է տալիս մարտի դաշտը, որտեղ մեր զինվորները ոչ միայն դիմադրել են օկուպանտի ուժին, այլև ոչնչացրել են այն՝ ըստ անհրաժեշտության՝ Ուկրաինայի պաշտպանության համար։ Պաշտպանել մեր երկիրն ու անկախությունը»,- ասել է Զելենսկին։

Ինչպես գրում է Ռոյթերսը Զելենսկին այս հայտարարությունն արել է Կուրսկի շրջանում շարունակվող մարտերի ֆոնին։ Նշենք, որ Ուկրաինայի պաշտպանության նախարարությունը դեռ չի մեկնաբանել Կուրսկում տեղի ունեցող իրադարձությունները։