Վոլոդիմիր Զելենսկի. Ես անկեղծորեն հուսով եմ, որ Բորիս Ջոնսոնի ժառանգությունը ռուսական բարբարոսության դեմ պայքարում կշարունակվի, մեզ դեռ անհրաժեշտ է բրիտանական աջակցությունն ու առաջնորդությունը

Ուկրաինայի նախագահ Վոլոդիմիր Զելենսկին հույս ունի, որ Մեծ Բրիտանիայի նոր վարչապետը կպահպանի Բորիս Ջոնսոնի ժառանգությունը ռուսական բարբարոսության դեմ պայքարում։ Այս մասին ասված է Վոլոդիմիր Զելենսկու նամակում, որը հրապարակվել է The Mail on Sunday-ը։

«Մի քանի օրից Մեծ Բրիտանիան կունենա նոր վարչապետ։ Որպես Ուկրաինայի նախագահ՝ ես ուրախ կլինեի մտերիմ հարաբերություններ զարգացնել, ինչպես Բորիս Ջոնսոնն է ասել, «Բրիտանական ցանկացած վարչապետի հետ՝ տղամարդ կամ կին»: Ես անկեղծորեն հույս ունեմ, որ Բորիսի ժառանգությունը ռուսական բարբարոսության դեմ պայքարում կպահպանվի։ Մենք շարունակելու ենք պայքարել, քանի որ այլ տարբերակ չունենք։ Մեր կյանքն ու ապագան վտանգված են: Եվ մեզ դեռ անհրաժեշտ է Մեծ Բրիտանիայի աջակցությունն ու առաջնորդությունը»,- գրել է Վոլոդիմիր Զելենսկին։

Նամակում Ուկրաինայի նախագահը խոսում է Ուկրաինային Բորիս Ջոնսոնի արագ և հաստատակամ աջակցության մասին։

«Ամեն անգամ, երբ մենք հանդիպում ու զրուցում էինք, Բորիսը մի շատ լավ հարց ուներ՝ էլ ի՞նչ, էլ ինչ է ձեզ պետք: Սա դարձավ արդյունավետ առաջընթաց ապահովելու մեր կարգախոսը։ Հավատացեք ինձ, ոչ շատ քաղաքական գործիչներ են պատրաստ դա անել»,- ասել է Ուկրաինայի առաջնորդը։

Զելենսկին նաև ասել է, որ Բորիս Ջոնսոնը դարձել է իր ընկերը, և ուկրաինացիները նրան տվել են ուկրաինական անունը՝ «Ջոնսոնյուկ»՝ ի նշան երախտագիտության։

Բորիս Ջոնսոնը Twitter-ում պատասխանել է Զելենսկու նամակին և շնորհակալություն հայտնել նրան։

«Մեծ Բրիտանիայի աջակցությունն Ուկրաինային և նրա ժողովրդին անսասան է, և մենք կշարունակենք աջակցել ձեզ Պուտինի պատերազմի դեմ: Շնորհակալություն ձեր ընկերության համար Վոլոդիմիր, դու հերոս ես, բոլորը սիրում են քեզ»,- գրել է Ջոնսոնը։

Մեծ Բրիտանիայի Պահպանողական կուսակցության անդամները վաղը նոր նախագահ կընտրեն։ Մեծ Բրիտանիայի վարչապետի պաշտոնի համար առաջադրվել է երկու թեկնածու՝ արտաքին գործերի նախարար Լիզ Թրասը և նախկին ֆինանսների նախարար Ռիշի Սունակը։