Ուկրաինայի և Եվրամիության միջև նոր պատմական քայլ պետք է իրականացվի այս տարի, և դրա համար պետք է աշխատեն ուկրաինական կառավարության բոլոր թեւերը, իր ամենօրյա ուղերձում ասել է Ուկրաինայի նախագահ Վոլոդիմիր Զելենսկին։

Բացի այդ, ըստ Զելենսկու, տեղի է ունեցել ռազմական կաբինետի նիստ՝ Ուկրաինայի համար կարևոր հարցեր քննարկելու համար։

«Մենք քննարկել ենք ռազմաճակատում տիրող իրավիճակը և առաջիկայում սպասելիքները։ Նաև խոսեցինք մեր բրիգադների հզորացման, Ուկրաինայում զենքի և զինամթերքի սեփական արտադրության և մեր գործընկերների մատակարարումների մասին։ Մենք քննարկել ենք հետախուզական կարևոր տեղեկություններ։ Մենք հստակ տեսնում ենք, թե ինչի են պատրաստվում օկուպանտները, և ինչին պետք է պատրաստ լինեն մեր զինվորները»,- ասել է Զելենսկին։