Վոլոդիմիր Զելենսկի. Ռուսաստանի յուրաքանչյուր հարված ցույց է տալիս, որ Պուտինի դեմ պատժամիջոցները բավարար չեն, հրթիռները, որոնցով նրանք հարձակվում են մեզ վրա, պարունակում են օտար ծագման բաղադրիչներ
Ուկրաինայի նախագահ Վոլոդիմիր Զելենսկու խոսքով՝ հրթիռները, որոնք ռուսական բանակը օգտագործում է Կիևի դեմ, պարունակում են օտար ծագման բաղադրիչներ։
«Ռուսաստանի յուրաքանչյուր ահաբեկչություն ցույց է տալիս, որ Պուտինի համակարգի դեմ աշխարհի պատժամիջոցները դեռ բավարար չեն։ Յուրաքանչյուր ռուսական հրթիռ, որով այդ հրեշները հարձակվում են մեր երկրի վրա, պարունակում է բաղադրիչներ, որոնք արտադրվում են ոչ թե Ռուսաստանում, այլ այլ երկրների ընկերությունների կողմից»,- ասել է Զելենսկին իր ամենօրյա ուղերձում։
Վոլոդիմիր Զելենսկու խոսքով՝ անհրաժեշտ է խստացնել պատժամիջոցները և կենտրոնանալ պատժամիջոցներից խուսափելու խնդիրների վրա։
«Մեզ ավելի շատ պատժամիջոցներ են պետք: Պատժամիջոցներից խուսափելու հարցում ավելի շատ հաշվետվողականություն է անհրաժեշտ։ Ես շնորհակալ եմ բոլոր պետություններին ու առաջնորդներին, ովքեր դա անում են, սակայն անհրաժեշտ է շատ ավելի մեծ ազդեցություն գործադրել Ռուսաստանի վրա»,- ասել է Ուկրաինայի նախագահը։
