«Վոլոդիմիր Զելենսկի. Մենք կպարզենք բոլորի ինքնությունը, ովքեր խոշտանգել, ծաղրել և ով Ռուսաստանից այստեղ՝ մեր ուկրաինական հող բերել է դաժանություն»,- ասել է Ուկրաինայի նախագահը բնակչությանն ուղղված իր ամենօրյա ուղերձում։

Նրա խոսքով, ազատագրված Իզիումում արտաշիրմման աշխատանքները շարունակվում են, իսկ հայտնաբերված մարմինները հետազոտվում են։ Վոլոդիմիր Զելենսկու խոսքով՝ Խարկովի մարզում տասնյակ վայրեր են հայտնաբերվել, որտեղ ռուսները խոշտանգել են ուկրաինացիներին։

«Խոշտանգումները տարածված պրակտիկա էր օկուպացված տարածքում։ Ահա թե ինչպես են վարվել նացիստները: Դա այն է, ինչ անում են ռասիստները, և նրանք պատասխանատվության կենթարկվեն նույն կերպ՝ մարտի դաշտում և դատարանների դահլիճներում: Մենք կհաստատենք բոլորի ինքնությունը, ովքեր խոշտանգել են, ծաղրել են, ովքեր Ռուսաստանից այստեղ՝ մեր տարածք դաժանությունը բերել են »,- ասել է Զելենսկին։

Ուկրաինայի նախագահն անդրադարձել է նաև ճակատամարտի առաջնագծում տիրող իրավիճակին և նշել, որ ուկրաինացիները շարունակում են ռուսներին արտաքսել օկուպացված տարածքներից։

«Առաջնագծում իրավիճակն էապես չի փոխվել անցած օրվա ընթացքում։ Ուկրաինայի զինված ուժերը, մեր հետախուզական ստորաբաժանումները, Ազգային գվարդիան աստիճանաբար, քայլ առ քայլ ռուսներին վտարում են մեր հողից, բայց մեզ դեռ ժամանակ է պետք, դեռ ջանքեր են պետք, մենք դեռ պետք է լիովին կենտրոնանանք պաշտպանության վրա »,- ասել է Զելենսկին։