Կուրսկի շրջանում ռուսական ուժերը փորձել են հետ մղել ուկրաինացիներին դիրքերից, սակայն ուկրաինական պաշտպանական ուժերը որոշակի գծեր են պահպանում, իր ամենօրյա տեսաուղերձում ասել է Ուկրաինայի նախագահ Վոլոդիմիր Զելենսկին։ Զելենսկու խոսքով՝ ինքը խոսել է գլխավոր հրամանատար Ալեքսանդր Սիրսկու հետ, ում հետ քննարկել է ռազմաճակատի ուղղությունը և Կուրսկի օպերացիան։ «Պոկրովսկու ուղղություն՝ ապրեք յուրաքանչյուր զինվոր, սերժանտ, սպա, ովքեր ապահովում են մեր դիրքերի պաշտպանությունը։ Ընդհանուր առմամբ Դոնեցկի շրջանի և Զապորոժիայի ուղղությամբ պայմանները շատ ծանր են, հակառակորդի կոշտ գործողություններ են։ Այնուամենայնիվ, մեր ստորաբաժանումների ուժը վճռորոշ է։ Ամեն ինչ կախված է մեր ուժերից։ Ինչ վերաբերում է Կուրսկի օպերացիային, ապա մեր դիրքերից մեզ ետ մղելու փորձեր են եղել, թեև մենք որոշակի գծեր ենք պահպանում»,- ասել է Զելենսկին։ Հիշեցնենք, որ «Պատերազմի ուսումնասիրման ինստիտուտի» զեկույցում ավելի վաղ ասվում էր, որ ռուսական ուժերն ակտիվացրել են հարձակումը Կուրսկի շրջանում ուկրաինական ստորաբաժանումների դեմ։