Վոլոդիմիր Զելենսկի. Կազմակերպության որոշ անդամներ խոչընդոտում են Ուկրաինայի անդամակցությունը Եվրամիությանը քաղաքական պատճառներով, այլ ոչ թե այն պատճառով, որ մենք չենք կարողացել իրականացնել որևէ բարեփոխումներ
Ուկրաինայի նախագահ Վլադիմիր Զելենսկին Բրյուսելում կայացած մամուլի ասուլիսին խոսել է Ուկրաինայի՝ Եվրոպական միություն արագացված անդամակցության հնարավորության մասին։
Մեդիայի հաղորդմամբ՝ Ուկրաինայի ԵՄ-ում արագացված անդամակցության հարցը ներառված է ԱՄՆ-ի խաղաղության առաջարկի վերջին տարբերակում։
Զելենսկու խոսքով՝ Ուկրաինայի անդամակցության արագացված գործընթացը կախված է ինչպես երկրի, այնպես էլ գործընկերների քայլերից՝ «եթե դրանք քաղաքականապես չեն արգելափակվում»։
«Եթե սա քաղաքականապես արգելափակվում է, ես այդ տրամաբանությունը չեմ հասկանում, բայց հասկանում եմ, թե ով է դա անում։ Մեզ համար Եվրամիության անդամակցությունը անվտանգության երաշխիքների մի մասն է, որի շուրջ Ուկրաինան բանակցում է և որի վրա հենվում է», – հայտարարել է Ուկրաինայի նախագահը։
Նա հավելել է, որ անդամակցության ժամկետը Ուկրաինայի համար կարևոր հարց է։
«Մեզ համար կարևոր է, որ դա ուրիշները չորոշեն՝ ոչ Ռուսաստանը, ոչ էլ նրանք, ովքեր մեզ արգելափակում են։ Ինչպես ձեզ հայտնի է, նույնիսկ ԵՄ որոշ անդամներ մեզ արգելափակում են քաղաքական պատճառներով, ոչ թե այն պատճառով, որ Ուկրաինայում այս կամ այն բարեփոխումը չի իրականացվել», – ասել է Վլադիմիր Զելենսկին։
